跳转到内容

GeoGuessr

出自维基百科，自由个百科全书
（从Geoguessr转戳到箇里）
GeoGuessr
网站类型 网页游戏
语言 支持英語、荷蘭語、法語、德語、義大利語、葡萄牙語、西班牙語、瑞典語、土耳其語、波蘭語、日語
成立 2013年5月9号
创始人 安东·瓦伦（Anton Wallén）
丹尼尔·安泰尔（Daniel Antell）
埃兰·兰文格（Erland Ranvinge）
网站 www.geoguessr.com

GeoGuessr是一款地理发现型网页游戏，是瑞典人安东·瓦伦2013年5月9号发布个。[1]游戏畀玩家半随机个全景图地点，要求玩家只通过有限个线索来猜图片里向是啥户荡。[2][1]

游戏内容

[编辑]

GeoGuessr根据题库随机出题，题库范围只有Google街景服务覆盖范围个街景。[2][3]游戏画面里向除开街景图片搭仔指南针，呒没其他信息。玩家要通过街景图片里向个道路标志、植被、商业、气候、地标咾啥个各种信息来确定位置，好通过缩放街景画面、转动街景视角获得更多信息。部分模式里向，玩家也好通过移动来获取更多信息。玩家要勒好缩放个地图丄标记，提交答案仔么会得显示出正确个地理位置，根据玩家猜个位置帮正确位置个距离来评分，评分范围是0到5000分。[4]除开世界范围随机地方，玩家还好选择其他题库，比方讲著名景点、特定国家个随机地点咾啥个。[5]箇游戏还允许付费者创建地图，体验其他使用者创建个地图，增加游戏个竞争力。

其他模式包括：

  • Single player：玩家自家进行随机地点辨认
  • Duels：一對一个比賽
  • Team Duels：组队比赛，每队两人
  • Battle Royale：大逃杀
  • Streaks：连续辨认国家或美国各州直到错误

历史

[编辑]

GeoGuessr个创立人安东·瓦伦欢喜勒垃全景地图丄看街景，故咾花仔近2礼拜开发箇游戏。[6][7]游戏用Backbone.js个JavaScript库搭仔Google地图API 3.0版来运行。[8]

2013年5月10号，瓦伦拿做好个游戏发布到Google Chrome Experiments丄[8][9]，一炮而红。[10]後首来开发出对应个Android端、iOS端应用软件。[11]

新冠疫情个爆发引发大家对箇游戏个新兴趣，2021年3月份，游玩人数达到新个高峰。[10]2022年，GeoGuessr收购地理问答网站Seterra，趁热打铁推出拿标准街景玩法帮问题结合个问答模式。[12]同年10月2号，GeoGuessr官方帮Ligue Intercommu联合组织Geoguessr团队世界杯[13]，第二年推出一年一届个个人比赛Geoguessr世界杯。[14]

2021年，因为街景图片质量推板，GeoGuessr社区联系谷歌地图个贡献人，比方讲桑给巴尔街景项目、 GridPacific项目、不丹旅游理事会，要求伊拉拿图片删脱，还要伊拉拿手头丄个生活停下来。[15]

2024年2月1号开始，Geoguessr取消原有个免费模式，正式变成订阅制游戏，要订阅纔好孛相，弗付钞票个人只好试玩挑战、测验模式。[16][17]

参见

[编辑]

参考

[编辑]
  1. ↑ 1.0 1.1 Keating, Joshua (2013-05-21). "GeoGuessr: Where in the (Googleable) world are you?". Foreign Policy. Archived from the original on 2013-06-13. Retrieved 2013-06-15. 
  2. ↑ 2.0 2.1 Isaacson, Betsy (2013-05-10). "GeoGuessr Uses Google Street View To Take Players On A World Journey". Huffington Post. Retrieved 2013-06-17. 
  3. ↑ Street View Map. sv-map.netlify.app.
  4. ↑ Geoguessr: ¿Dónde diablos estoy? (es-MX). vanguardia.com.mx (2013-05-26).
  5. ↑ Richter, Tabea (2018-01-10). "Mit dem Online-Quiz "Geoguessr" die Welt entdecken" (in de). General-Anzeiger. Retrieved 2018-04-17. 
  6. ↑ Morini, Thiago Ferrer (2013-05-26). "Geoguessr: ¿Dónde diablos estoy?" (in es). Vanguardia. Retrieved 2013-06-18. 
  7. ↑ Coldwell, Will (2013-06-02). "Where in the world am I? The addictive mapping game that is GeoGuessr". The Independent. Retrieved 2013-06-18. 
  8. ↑ 8.0 8.1 Pitcher (2013-05-13). Get lost with Google Maps-based game GeoGuessr. Polygon.
  9. ↑ Oremus, Will (2013-05-15). "How to Beat GeoGuessr, the Insanely Addictive Google Maps Guessing Game: Tips and tricks from a National Geographic cartographer.". Slate. Retrieved 2013-06-18. 
  10. ↑ 10.0 10.1 How a 2013 Browser Game Made Its Comeback (en). Brandwatch.
  11. ↑ General FAQ. GeoGuessr. 原始文档勒2022-08-15存档. 访问日脚2025-06-27.
  12. ↑ Seterra becomes a part of GeoGuessr! (en). GeoGuessr. www.geoguessr.com.
  13. ↑ GeoGuessr Team World Cup : le Français Blinky et les Speed Plonkers sacrés champions du monde (fr-fr). E.SPORT.FR (2022-10-23).
  14. ↑ World Cup Announcement - GeoGuessr (en). www.geoguessr.com.
  15. ↑ Google failed to put every country on Street View. Now video game streamers are angry at the volunteers filling the gaps (en-US). Rest of World (2021-04-08).
  16. ↑ GG_Mika (2024-01-19). PRO subscription will be needed to continue playing GeoGuessr. r/geoguessr.
  17. ↑ "Corpo is gonna be Corpo": GeoGuessr going paid after ending free subscription has fans disappointed (en-us). Sportskeeda (2024-01-19).
取自“https://wuu.wikipedia.org/w/index.php?title=GeoGuessr&oldid=369565”