邓紫棋
.jpg)
邓紫棋（英语：Gloria Tang，1991年8月16号生），也叫G.E.M.（“Get Everybody Moving”，就是“让大家动起来”；GEM也有“珍宝”个意思），本名邓诗颖（英语：Gloria Tang Sze-Wing），生垃上海，四岁个辰光搬到英属香港，是一個华语创作歌手。2008年7月10号，16岁个渠出道哉，拿着香港三大乐坛颁奖礼新人金奖。2012年，发行专辑《Xposed》，拿着IFPI香港唱片销量大奖”全年最高销量本地女歌手“，靠《Xposed》垃2013年入围第24届金曲奖最佳女歌手，变成功入围金曲歌后里向年纪顶轻个女歌手。2014年，因为参加湖南卫视歌唱竞赛节目《我是歌手》第二季辰光个亮眼表现咾垃华语地区迅速走红。
渠勒垃24岁以前完成仔80场個人演唱会，2015年北京工人体育场演唱会有靠4万個看客，同一年垃英国伦敦温布利体育馆完成仔第73场。2017年武汉站完成仔第100场。 内地平台公布2024年演唱会票房，邓紫棋排頭一名，创造票房25亿塊人民币朝上。2025年變成功全球歷年女歌手巡回演唱会票房第四位。邓紫棋是頭一個有五支破亿MV个华语女歌手，歌曲《光年之外》MV垃YouTube丄向个观看量垃2025年1月份超过仔2.9亿，保牢YouTube华语歌观看量頭一。另外破亿个MV包括《再见》、《倒数》、《来自天堂的魔鬼》咾《喜欢你》，《喜欢你》是第二高观看量个广东歌MV。2025年1月份，邓紫棋个YouTube频道累积总观看量超过仔24亿。
早年辰光
[编辑]1991年8月16号，邓紫棋生垃上海，箇日剛好是七夕，渠拉爺邓宇铭是香港人咾，娘容佳文是上海人，屋裏向还有一個比渠小四岁个妹妹；邓紫棋4岁个辰光跟牢爷娘搬到仔香港。邓紫棋小辰光勒垃上海市曹杨新村，搭渠拉外婆蹲垃一淘。外婆垃2011年3月8日走脱哉。[1]
邓紫棋生垃一個音乐世家，娘是上海音乐学院声乐系畢業个，娘舅是小提琴演奏家，外婆是声乐教师，外公是乐团萨克斯演奏家。[2]邓紫棋也从小相信音乐，从5岁开始就作曲咾填词看哉，13岁就完成仔英国皇家音乐学院联合委员会钢琴检定考试八级。13岁个辰光，看相仔另外一個學堂个篮球队队长咾创作仔《睡公主》。
7岁个辰光，邓紫棋参加演出教育电视短片。13岁个辰光，搭陈奕迅一淘拍加州红月饼义卖广告。2006年，邓紫棋垃“Westlife亚洲巡回演唱会”（Westlife's Face to Face Asia Tour）记者会丄当仔表演嘉宾。
邓紫棋本来垃九龙城区个九龙塘方方乐趣英文小学读一年级。两年级转到油尖旺区个中华基督教会协和小学读午校，是學堂裏向诗歌班个成员，2003年毕业。同一年，中学升读油尖旺区个真光女书院，课馀个辰光参加体操活动。从中学一年级起，邓紫棋不停参加各项歌唱比赛，垃一年裏向拿着过五项歌唱比赛冠军。2006年，渠参加《Spice It Up 学园祭》演唱自创歌曲得着冠军，亚军是王灏儿。比赛个辰光，邓紫棋畀前经理人张丹邀请签约蜂鸟音乐。 2008年，邓紫棋垃香港中学会考得着21分个成绩。同一年进到香港演艺学院主修声乐系，后首来因为工作量日渐越来越多哉咾垃2009年上半年放弃仔升学课程。
演藝生涯
[编辑]2008年－2009年：香港出道
[编辑]2008年10月16號，邓紫棋个頭一张个人EP《G.E.M.》发行哉，[3]有三支粤语歌咾两支国语歌，裏向收录仔当年参赛歌曲《Sleeping Beauty》个中文版——《睡公主》。后首来邓紫棋讲，箇支歌个灵感是自家13岁个辰光弗敢向暗恋男生告白个事体。[4]
爲仔宣傳新碟，鄧紫棋勒垃香港銅鑼灣舉行仔連牢四場街頭表演。17歲个鄧紫棋推出个《Where Did U Go》成爲香港電台冠軍歌，打破1978年伊歇17歲个女歌手張德蘭个紀錄，變成功年紀頂輕个香港四大電子傳媒冠軍歌獨唱女歌手。垃2008年度叱咤樂壇流行榜頒獎典禮，鄧紫棋拿着叱咤樂壇生力軍女歌手金獎，變成功唯一一位年紀頂輕个朆成年个叱咤樂壇生力軍女歌手金獎得主，同時還拿着香港另外兩大音樂頒獎禮新人金獎。
2009年5月5號，鄧紫棋到美國洛杉磯搭渠个頭一張個人大碟《18...》錄音，同一年10月27號發行。《18...》大碟裏向收仔蠻受歡迎个歌《A.I.N.Y.》，靠渠鄧紫棋愈發出名哉。同一年11月20號、21號搭22號，鄧紫棋垃九龍灣國際展貿中心匯星（Star hall）舉辦仔頭一場個人演唱會《G.E.M. 18 Live 2009演唱會》，還邀請側田搭林海峰當嘉賓。同一年12月份，鄧紫棋垃加拿大多倫多舉行仔頭一場海外音樂會。
参考资料
[编辑]- ↑ G.E.M.鄧紫棋IG悼念婆婆離世12年 貼童年合照顯巨星唱歌功架萌值爆燈 (zh-hk). 星島網 (2023-03-08). 原始文档勒2024-01-24存档. 访问日脚2024-01-24.
- ↑ G.E.M. At Seventeen. 頭條日報 (2008-11-20). 原始文档勒2015-11-05存档. 访问日脚2014-02-07.
- ↑ KRITI NAYYAR. G.E.M: 10 fascinating facts about Hong Kong’s music sensation (en). LIFESTYLE ASIA. 原始文档勒2023-08-22存档. 访问日脚2023-08-30.
- ↑ 紀錄片第3期鄧紫棋自曝暗戀史. 原始文档勒2014-03-27存档. 访问日脚2014-01-25.
