G僧东

G僧东，本名钱圣东（上海閒話：Zie Sen Ton），上海人，是一個做上海閒話視頻个博主。

经历

G僧東是85後，自家讲是上海外国语大学德文专业个。毕业以后，渠进仔广告公司做生活。2015年，渠开始创作咾推送生活类图文，吸引仔交关人来看。2017年下半年，渠辞脱工作，租仔间办公室，搭朋友袁铭圆一淘创业拍短视频。渠个视频蛮多全是搭上海本土文化搭界个，包括上海閒話科普、上海人小辰光个回忆、讽刺社会对上海人个刻板印象咾啥个。

2020年1月份，渠宣布要开一隻新个频道，叫“好叫好伐”，隻频道个内容有街头采访、上海閒話科普（“有句讲句”系列）、“上海话大挑战”咾啥个。