CAP定理

CAP定理欧拉图

来勒数据库理论当中，CAP定理（也叫Brewer定理）指出，一隻分布式数据系统顶多只好提供下底三条性质当中个两条：

一致性

每届读操作侪会读到最近写入个数据或错误信息。所有客户端弗管连接到啰里隻节点，勒同一时间点侪看见一样个数据。

可用性

系统中每隻非故障节点收着个请求侪要响应，必过弗保证响应里向包括数据个最新版本。

分区容错

就算节点之间随便几许消息勒网络里向毻落或者延迟，系统仍旧好继续运行。

发生网络分区故障个辰光，有两隻选择。好取消操作，降低可用性，来保障一致性；也好继续操作，保障可用性，必过有弗一致个风险。

所以讲，假使存在网络分区，一致性搭可用性只好两选一。