四·一九运动
（从4·19运动转戳到箇里）
四·一九运动（朝鲜语：4·19 혁명／4·19 革命），是1960年3月份开始，大韩民国中学生、大学生搭工人一淘搞起来个一场学生运动。箇是因为当时个韩国总统李承晚勒第四任总统选举个辰光动手脚、作票舞弊，弄得学生搭老百姓侪跑出来抗议。箇场革命推翻李承晚个独裁统治。因为规模顶大个日子是4月19号，所以大家侪叫伊“4·19革命”。到今朝，韩国每年到箇天还会得纪念箇桩事体。
事体个开头，是当年3月份勒马山市抗议选举结果个辰光，勒海边发现個死脱个学生个浮尸氽勒水面浪，发现是拨催泪弹打穿头壳死脱个。箇场革命逼得李承晚只好下台，韩国过渡到第二共和国。必过，革命结束纔一年，朴正熙少将就发动军事政变，故咾也有人叫伊“未完个革命”。