2026年山西通洲集团留神峪煤矿瓦斯爆炸事故

2026年山西通洲集团留神峪煤矿瓦斯爆炸事故，国务院叫伊山西长治山西通洲集团留神峪煤业有限公司“5·22”特别重大瓦斯爆炸事故，是2026年5月22号19点29分横里中华人民共和国山西省长治市沁源县山西通洲集团个留神峪煤矿发生个一桩煤矿瓦斯爆炸事故。到5月23号22点37分，事故造成82人死脱，2人失联，128人受伤。

相关煤矿畀个图纸帮实际个弗一样，搜救人员要每一段排查过去，阿末发现两条没标注个巷道。矿方系统里向记录个下井人员只有得124人，必过实际下去仔247人，明显勿正着，部分人没登记、定位咾啥个信息，增加搜救难度。里向头还有得弗少积水巷道、坍脱个地方，进一步影响救援进度。箇咾5月25号，最高人民检察院对事故挂牌督办。5月27号，国务院成立事故调查组，应急管理部部长张成中做组长，5月31号发布公告表示设立举报电话搭仔信箱，受理搭事故搭界个短信电话。6月3号，中国红十字会总会表示畀山西省红十字会提供人道救助金300万元，用来紧急救治伤员、遇难者生活困难家庭人道救助咾啥个。