2025年6月洛杉矶抗议

加州國民警衛隊搭仔抗議个人

2025年6月洛杉磯抗議是2025年6月6号开始，加州洛杉磯爆發反對移民突襲个抗議行動。箇桩事体个因头是美国移民搭海关执法局勒垃洛杉磯多地随机捉無證移民，引發民眾个抵触情绪，多隻团体帮独立抗议者组织参加箇趟抗议活动。抗議勒垃6月6号升級成街頭暴動，示威者同洛杉矶警察局、移民局人員發生激烈衝突。

第二天（6月7号），抗議范围扩展到派拉蒙搭仔康普顿，对抗烈度也越来越高。時任美国總統唐纳德·川普決定直接命令加州国民警卫队进行反击，还調派来300名兵力進駐洛杉矶維持秩序，箇是1965年以来国民警卫队头趟勒呒没经过州长请求个情况下头畀联邦官员动员。6月9号，五角大楼调动700名海军陆战队员进驻洛杉矶。包括加州州长加文·纽森个批评人士认为，军方个反应忒早忒激动、有得煽动性，是为咾政治利益、威权主义，引发关于军事应对抗议活动还是用警察控制抗议活动个争论。6月10号，洛杉矶市长巴斯宣布当地进入紧急状态，宣布从夜里向8点钟开始到第二天早浪向6点钟，洛杉矶市中心一平方英里里向实行宵禁，应对23家商铺畀人涂鸦破坏或者抢劫个情况。箇趟抗议里向，有得超过400名示威者畀警察或者国民警卫队捉脱，另外有多名执法人员帮抗议者受伤。

洛杉矶个反ICE抗议活动激发纽约、芝加哥等美国其他城市个反ICE抗议活动。另外还有超过20桩记者畀执法部门打或者拘留个事体，有个是畀橡皮子弹打，有个是畀执法部门喷催泪瓦斯，澳大利亚总理认为箇种事体是针对性个。