跳转到内容

2025年欧洲停电

出自维基百科，自由个百科全书
2025年欧洲南部停电
停电导致紅綠燈停止工作，圖片丄是西班牙卡塔赫纳个交警在扗现场指挥交通。
日期 2025年4月28号 (2025-04-28)
辰光 12:33（欧洲中部夏令时间）
11:33（欧洲西部夏令时间）
地点 西班牙、葡萄牙、安道尔、法国部分地区
种类 停电
起因 弗清爽
结果 当地交通搭通信服务等受着严重影响

2025年4月28号，欧洲南部伊比利亚半岛除开直布罗陀[1]侪出现大规模停电，西班牙、葡萄牙、法国南面侪受着影响，倒是没停电。[2][3]因为停电，箇些地方个交通、通信服务侪受到严重影响，交通信号灯弗亮，地铁、火车咾啥个侪因为停电停运哉。[4][5]

4月29号凌晨，西班牙、葡萄牙大部分地区个电力恢復。西班牙总理佩德罗·桑切斯表示，實梗大规模个电力系统瘫痪从来呒没碰着过。[6][7]

影响

[编辑]

西班牙

[编辑]
 除特別註明外，箇隻页面、条目或章節个辰光侪以欧洲中部夏令时间（UTC+2）為準。
停電以後，乘客勒垃西班牙马德里查马丁火车站等電力恢復
停电个马德里

中丄向12:30開始，西班牙出现大规模停電，全国（除开巴利阿里群岛、加那利群岛咾啥个岛浪向[8]）電力斷脫，馬德里个阿道弗·苏亚雷斯马德里-巴拉哈斯机场也停电哉。隨後，西班牙个核电站因為电力中断自动停机检修。网络服务也受着严重影响，网站訪問量跌落到平常辰光个17%。西班牙首都马德里启动城市紧急应急计划（PEMAM），学堂停课，連帶马德里网球公开赛也停脫歇。[9]西班牙总理佩德罗·桑切斯也召開國家安全會議，討論哪能應對。

約莫当地辰光16:00，西班牙电网公司（REE）表示，要恢復全国大部份个電力可能需要6到10個钟头。[10][11]4月29号早浪向，REE宣布本国超过99%个电力系统恢復运转。[12][13]交通方面，机场先逐步恢復供电，必过运营能力比平常推板交关，长途火车服务直到第二天纔恢復。[14][15]

葡萄牙

[编辑]
 除特別註明外，箇隻页面、条目或章節个辰光侪以欧洲西部夏令时间（UTC+1）為準。

停电以后，里斯本个地铁、火車、交通信号灯侪停哉，自来水系统也停运哉，移动网络，特别是語音通話、數據服務也影响严重。醫院弗得弗上发电机，警方弗得弗處理交通混亂。[16]葡萄牙电信运营商表示，箇停电引发个网络问题可能要毛一個礼拜纔修得好哉[17]。里斯本机场勒垃当天下半天1點钟关脱，夜里向9點38分以後纔逐步恢復。波尔图、法鲁两地个机场直接上发电机紧急发电。葡萄牙政府召開緊急會議，總理路易斯·蒙特内格罗領導應對危機。[18][19][20]

4月28号夜里向，葡萄牙从北向南逐步恢复供电，到4月29号早浪向，葡萄牙电网公司表示，本国89家变电站全部恢復供電。[6][21]

安道尔

[编辑]

安道尔个电力供应商表示，箇趟停电只有得影响安道尔几秒钟，因得欧洲大陆电网，伊个电网帮法国个連勒一道，故咾通過自動恢復系統豪𢜶切到法國个丄去。电信运营商安道尔电信（英语：Andorra Telecom）也報告因为停电引发个网络问题。[22]

法国

[编辑]

法国个北巴斯克地区停电个辰光也弗长，影响范围也小，法国个电力系统通過自動恢復系統豪𢜶解決停電問題。[23]

摩洛哥

[编辑]

因为西班牙停电，勒垃西班牙个服务器侪停机拉哉，摩洛哥几家互联网服务运营商也受到影響，直接断网。[24]

由頭

[编辑]

有报道指出箇趟大规模停电作興是欧洲电网出仔毛病，必过具体个因头㬟确定。[4]西班牙网络安全部门INCIBE（西班牙语：INCIBE）曾从网络攻击个角度调查停电个由头[25][26]，必过初步调查呒没發覺网络攻击个样子。[27][28]碰巧停电当天中午，勒垃法国南面个奥克西塔尼大区伊面𡍲，有根高压线畀山火烧脱哉，葡萄牙国家电力公司认为帮箇趟停电有关系，必过法国方面否认箇隻讲法。[29][30]

4月29号早浪向，西班牙电网公司分析认为，箇趟停电个原因是电压突然之间降低交关，导致西班牙西南部个电网连接大面积中断，进而影响周边地区。[31][32][33]葡萄牙方面表示可能是西班牙伊面气温变化产生个少有个大气现象，引发高压电线振荡，让系统间同步个失效。[17]

参考资料

[编辑]
  1. ↑ Gibraltar no sufre el apagón de luz al no estar conectada a la red europea (es).
  2. ↑ Brezar, Aleksandar (2025-04-28). Breaking news. Spain, Portugal and southern France hit by massive power outage. Euronews.
  3. ↑ 西班牙和葡萄牙大范围停电 (zh-sg). 联合早报 (2025-04-28). 访问日脚2025-04-28.
  4. ↑ 4.0 4.1 Massiver Stromausfall in Spanien und Portugal tagesschau.de (de). Tagesschau (2025-04-28).
  5. ↑ 西班牙及葡萄牙廣泛地區停電　或需十小時才恢復 (zh-hk). 無綫新聞 (2025-04-28). 访问日脚2025-04-28.
  6. ↑ 6.0 6.1 Power restored in Spain and Portugal after massive blackout left millions stranded (en). France 24 (2025-04-29). 访问日脚2025-04-29.
  7. ↑ 西班牙葡萄牙大部分地区已恢复电力供应 (zh). 联合早报 (2025-04-29).
  8. ↑ Massiver Stromausfall in Spanien und Portugal (de). Tagesschau (2025-04-28). 原始文档勒2025-04-28存档.
  9. ↑ Activado el Plan de Emergencias Municipal de Madrid. Servimedia (2025-04-28).
  10. ↑ Un gran apagón general afecta a toda España: Red Eléctrica calcula que podría tardar entre seis y 10 horas en recuperar el sistema (es). Elmundo (2025-04-28).
  11. ↑ 西班牙葡萄牙發生大規模停電 (zh-mo). 澳门广播电视股份有限公司 (2025-04-28). 访问日脚2025-04-28.
  12. ↑ 【视频】西班牙和葡萄牙电力基本恢复 大停电原因仍在调查中. RFI (2025-04-29). 访问日脚2025-04-29.
  13. ↑ 【速報】スペイン大規模停電“ほぼ復旧”　電力会社が発表 (ja). テレ朝NEWS (2025-04-29). 访问日脚2025-04-29.
  14. ↑ 伊比利半島大停電 西班牙總理：陸續恢復國內供電 | 國際 (zh-Hant-TW). 中央社 CNA (2025-04-29).
  15. ↑ 西班牙葡萄牙大停電 電網公司稱罕見大氣現象導致 民眾搶購物資 (zh-HK). 香港01 (2025-04-28).
  16. ↑ Montenegro espera "normalidade" amanhã, mas admite que é preciso reforçar segurança energética (pt) (2025-04-28).
  17. ↑ 17.0 17.1 Blackouts latest: 'Rare atmospheric phenomenon' behind huge outages in Portugal and Spain. Sky News (2025-04-28). 原始文档勒2025-04-28存档.
  18. ↑ 西班牙葡萄牙大停电 全面复电恐需耗时一周 (zh-hans). www.enanyang.my (2025-04-29).
  19. ↑ "西葡部分地區開始恢復供電 停電期間數百萬人受影響" (in zh-Hant-HK). Yahoo News. 2025-04-28. 
  20. ↑ "西班牙和葡萄牙大规模停电 – DW" (in zh). dw.com. 2025-04-28. 
  21. ↑ 西班牙葡萄牙幾乎全面恢復供電 當局調查大停電原因. 台湾中央通讯社.
  22. ↑ "Alert: Power Outages in Southern Europe" (in en). Crisis24. 
  23. ↑ "French power grid operator says Basque region saw brief power outage". 2025-04-28. 
  24. ↑ Faouzi, Adil (2025-04-28). Orange Maroc internet service severely disrupted by Iberian power outage. Morocco World News.
  25. ↑ Chaos as Spain, France and Portugal hit by huge power cuts. The Telegraph (2025-04-28).
  26. ↑ Massive power blackout hits Spain and Portugal (en-us). El País English (2025-04-28).
  27. ↑ Desmarais, Anna (2025-04-28). What could have caused the major power outage in Spain and Portugal? Experts weigh in. Euronews.com.
  28. ↑ スペインとポルトガルの大規模停電、大半で復旧…送電網異常が原因か (ja). 读卖新闻 (2025-04-29). 访问日脚2025-04-29.
  29. ↑ Spain, Portugal and parts of France hit by massive power outage (en). Euronews (2025-04-28). 原始文档勒2025-04-28存档.
  30. ↑ En direct, panne d’électricité massive dans la péninsule Ibérique : la direction générale du trafic routier espagnole demande de ne pas circuler en voiture (fr). Le Monde (2025-04-28). 原始文档勒2025-04-28存档.
  31. ↑ Vélez, Antonio M. (2025-04-29). Red Eléctrica descarta el ciberataque como causa del apagón (es). elDiario.es.
  32. ↑ "Spanish power company rules out cyberattack as cause of blackout". BBC News. 29 April 2025. 
  33. ↑ 西葡兩國一度大停電　經搶修供電已大致恢復 (zh-hant-hk). 香港电台中文新闻 (2025-04-29). 访问日脚2025-04-29.
取自“https://wuu.wikipedia.org/w/index.php?title=2025年欧洲停电&oldid=358802”