2025年印度—巴基斯坦空战

2025年印度—巴基斯坦空战是2025年帕哈尔加姆袭击发生以后，印度帮巴基斯坦间爆发个军事武装冲突。

经过

2025年5月6号夜里向，印度对巴基斯坦实施代号辛多尔行动（印地语：ऑपरेशन सिन्दूर，英语：Operation Sindoor）个导弹攻击，印度方面表示目标是巴基斯坦搭仔巴控克什米尔地区穆罕默德军个“恐怖主义基础设施”，导致至少26名巴基斯坦平民死脱，约38人受伤。印度还对包括巴控克什米尔地区、巴基斯坦旁遮普省个6隻地方发动24趟空袭。

2025年5月7号，巴基斯坦反击，巴基斯坦主要城市进入紧急状态，全国所有教育机构停课，关脱全国空域48個钟头，全国范围里向所有航班取消。。随后巴基斯坦对印控克什米尔地区发射导弹，打脱印巴控制线印度伊面个哨所，打下来至少5架飞机，当中包括至少1架印度个阵风战斗机。印度么勒垃请美国咾啥个其他国家让巴基斯坦退一步，让伊允许印度轰炸“恐怖主义基础设施”。

5月9号，印度炮击巴控克什米尔地区，死脱五名平民。同時巴基斯坦拦脱6架印度無人機。巴基斯坦总理夏巴兹·谢里夫表示会得弗顾一切捍卫巴基斯坦主权。

5月10号，巴基斯坦继续关脱伊个空域。伊表示因为勒垃拉瓦尔品第个努尔·汗（Noor Khan）空军基地畀印度導彈炸，故咾正式启动代号“铜墙铁壁”个军事行动进行反击，轰炸印度空军基地，导致印度全国有得至少32座机场停止起降，炸煞一個印度政府高级官员，同時巴基斯坦空军出动JF-17枭龙战斗机勒垃印度旁遮普邦阿丹普尔地区用高超音速导弹炸印度个S-400防空系统。有巴基斯坦媒体还话伊勒垃巴基斯坦旁遮普省打下来一架印度飞机，还吹拿飞行员捉脱去，必过双方官方发言人侪表示没勒垃巴基斯坦领空打下来飞机。巴基斯坦方面还表示巴基斯坦成功导致印度70%个电网瘫痪。印度向伊斯兰堡、拉合尔等大城市帮空军基地发动袭击，还表示伊拉拿所有巴基斯坦发射个导弹侪拦下来哉。

10号夜里向，印度同巴基斯坦达成停火协议，印度标准辰光10号17点钟开始双方停火。巴基斯坦方面表示，印度勒垃停火个辰光轰炸伊空军基地，故咾伊跑去印控克什米尔。巴基斯坦帮印度互相指责对方违反停火协议。後些来巴基斯坦总理夏巴兹·谢里夫宣布巴基斯坦获胜，宣布第二天（5月11号）是胜利纪念日。

国际反应

•  中华人民共和国：中华人民共和国外交部发言人林剑表示，中方对印度个军事行动表示遗憾，对事态发展感到担忧，呼吁双方和平稳定，保持冷静克制，覅做出让局势进一步复杂个行动。
•  美利坚合众国：美國總統特朗普表示罪过，希望箇打仗豪慅结束。美国副总统万斯表示，印度帮巴基斯坦箇局势应该缓下来，必过要是真打出狗脑子出来也帮美国弗搭界。
•  俄罗斯：俄罗斯外交部呼吁印度帮巴基斯坦保持克制，希望两国通过和平个政治、外交手段解决争端。
• 英國：外交大臣大卫·拉米呼吁大家“保持克制，進行直接對話，尋求迅速个外交途徑”。
• Template:Holy See：教宗良十四世表示希望双方“豪慅达成一项持久个协议。”
•  孟加拉：外交部勒垃官方聲明里向表示密切關注局勢發展，敦促两隻国家保持克制冷靜。
•  新加坡：新加坡外交部勒一份声明里讲：“对4月22号勒查谟同克什米尔帕哈甘发生个吓人恐袭之后，印度同巴基斯坦中间一直紧张对峙，新加坡实在是非常担心。”