2025年印度—巴基斯坦空战

2025年印度—巴基斯坦空战是2025年帕哈尔加姆袭击发生以后，印度帮巴基斯坦间爆发个军事武装冲突。

经过

2025年5月6号夜里向，印度对巴基斯坦实施代号辛多尔行动（印地语：ऑपरेशन सिन्दूर，英语：Operation Sindoor）个导弹攻击，印度方面表示目标是巴基斯坦搭仔巴控克什米尔地区穆罕默德军个“恐怖主义基础设施”，导致至少26名巴基斯坦平民死脱，约38人受伤。印度还对包括巴控克什米尔地区、巴基斯坦旁遮普省个6隻地方发动24趟空袭。

2025年5月7号，巴基斯坦反击，巴基斯坦主要城市进入紧急状态，全国所有教育机构停课，关脱全国空域48個钟头，全国范围力学所有航班取消。。随后巴基斯坦对印控克什米尔地区发射导弹，打脱印巴控制线印度伊面个哨所，打下来至少3架飞机，当中包括至少1架印度个阵风战斗机。

5月9号，印度炮击巴控克什米尔地区，死脱五名平民。同時巴基斯坦拦脱6架印度無人機。巴基斯坦总理夏巴兹·谢里夫表示会得弗顾一切捍卫巴基斯坦主权。

5月10号，巴基斯坦方面表示勒垃拉瓦尔品第个努尔·汗（Noor Khan）空军基地畀印度導彈炸，故咾正式启动代号“铜墙铁壁”个军事行动进行反击，轰炸印度空军基地，导致印度全国有得至少32座机场停止起降，炸煞一個印度政府高级官员，同時巴基斯坦空军出动JF-17枭龙战斗机勒垃印度旁遮普邦阿丹普尔地区用高超音速导弹炸印度个S-400防空系统。还勒垃巴基斯坦旁遮普省打下来一架印度飞机，飞行员畀巴基斯坦捉脱去。巴基斯坦方面还表示巴基斯坦成功导致印度70%个电网瘫痪。印度向伊斯兰堡、拉合尔等大城市帮空军基地发动袭击，还表示伊拉拿所有巴基斯坦发射个导弹侪拦下来哉。

10号夜里向，印度同巴基斯坦达成停火协议，印度标准辰光10号17点钟开始双方停火。巴基斯坦方面表示，印度勒垃停火个辰光轰炸伊空军基地，故咾伊跑去印控克什米尔。巴基斯坦帮印度互相指责对方违反停火协议。後些来巴基斯坦总理夏巴兹·谢里夫宣布巴基斯坦获胜，宣布第二天（5月11号）是胜利纪念日。

国际反应

•  新加坡：新加坡外交部勒一份声明里讲：“对4月22号勒查谟同克什米尔帕哈甘发生个吓人恐袭之后，印度同巴基斯坦中间一直紧张对峙，新加坡实在是非常担心。”