2025年大阪世界博览会
2025年大阪世界博览会，正式名字是2025年日本国际博览会（日文：2025年日本国際博覧会／にせんにじゅうごねんにっぽんこくさいはくらんかい nisen-nijyūgo nen nippon kokusai hakurankai）[1]，简称2025年世界博览会、大阪·关西世博、大阪·关西万博（日文：大阪・関西万博／おおさか・かんさいばんぱく Ōsaka Kansai Banpaku），是2025年4月13号到10月13日勒垃日本大阪市举办个世界博览会，是国际展览局认可个第44届综合型世界博览会，会期6隻号头，会场设勒大阪湾边丄个人工岛梦洲丄，主题是“让生命更光辉的未来社会蓝图”（いのち輝く未来社会のデザイン）。[2]
问题交争议
[编辑]2017年9月份，日本方面向国际展览局交个估算显示，场馆建设成本约莫1250亿日元，箇当中日本政府、大阪府、大阪市搭仔企业界各出400多亿日元。[3]结果2020年12月份，日本物价飞涨，场馆建设预算成本上调到最高1850亿日元。[4]到2023年9月份，场馆建设成本再涨到约2350亿日元，差弗多是原先个2倍[5]。
日本国际博览会协会曾拒绝日本共产党机关报《赤旗报》勒垃世博会开幕前个新闻发布会上进行采访，弗畀伊发几何证，畀人批评新闻弗自由。[6]
因为梦洲原先是垃圾填埋场，现在还有甲烷弗断冒出来，经常性甲烷含量超标，有得爆炸个危险，2024年3月28号就爆炸过导致建筑受损严重，开幕前也测出超标浓度个甲烷[7][8]，外加出于“生命”、“健康”咾啥个考虑，箇届世博会出于安全考虑要求整隻世博园区禁烟。[9]
箇届世博会还勒垃场馆建设方面邪气推板。开幕个3隻号头之前只有3隻场馆完成建设[10]，开幕个辰光有得5座场馆来弗及完工，甚至印度馆连外立面还没造好。[7]
虽然讲箇届世博会吹自家“弗用排队个世博会”[2]，但是进世博会场馆要先勒垃世博会仅有个2隻入口排队至少1個钟头，里向个场馆弗提早预约个说活也要排队。[7][11]因为进场刷个是二维码，人又特多，导致信号推板到连弗丄，门票二维码显示弗出，影响进场馆效率。[11]箇届世博会还讲是弗好用现金个世博会[2]，碰着推板个网络导致游客也有批评。[11]
箇届世博会个用餐区域还专门收座位费，1家头坐50分钟要550日元，弗然只好立勒吃饭。有人认为箇保证至少交钞票有得位置坐，也有人认为箇能介也抢弗着位置。[11]
参考
[编辑]- ↑ 協会情報 (ja). 大阪·關西世博官方網站 (2024-12-27). 访问日脚2025-04-17.
- ↑ 2.0 2.1 2.2 開催概要 | EXPO 2025 大阪・関西万博公式Webサイト
- ↑ １２５０億円が２３５０億円と１・９倍に、膨らみ続ける万博の会場建設費…円安など逆風「想定外だった」「管理甘かった」 (ja). 読売新聞 (2023-11-29). 访问日脚2023-12-23.
- ↑ 万博、拙速甘い試算 大阪パビリオン建設費、99億円に上振れ 府・市 見落とした「顔」複雑工法 毎日新聞 2022-11-27
- ↑ "万博建設費が８割増で…企業からさらに寄付集め、財界幹部「いくらでも出すと思われては困る」". 読売新聞. 2023-09-26. Retrieved 2023-09-27.
- ↑ "万博協会が赤旗の取材拒否…リハーサル時、「メディア向けガイドラインにのっとった対応」". 読売新聞オンライン. 2025-04-11.
- ↑ 7.0 7.1 7.2 大阪・関西万博、開幕まで4日 見どころと抱える課題は？ 「並ばない万博」掲げるも…. 日テレ (2025-04-09).
- ↑ 距开幕不到一周,日本世博园区又查出爆炸风险 甲烷超标引安全质疑. 中华网 (2024-04-09).
- ↑ "「いのち」「健康」テーマの大阪万博、全面禁煙のルール守られず…メタンガスに引火リスクも". 読売新聞オンライン. 2025-04-21.
- ↑ 日媒：倒计时三个月，大阪世博会筹备工作遇阻 (2025-01-16).
- ↑ 11.0 11.1 11.2 11.3 大阪・関西万博が開幕 「並ばない万博」のはずが…各所で行列 (2025-04-13). 原始文档勒2025-04-13存档. 访问日脚2025-04-23.