2024年新喀里多尼亚骚乱

2024年新喀里多尼亚骚乱（法语：Émeutes de 2024 en Nouvelle-Calédonie），指个是2024年5月13号来勒法国个特殊集体新喀里多尼亚因为有争议个选举机构改革而爆发个冲突搭仔暴力抗议活动。事体个起因是法国议会通过有争议个投票改革法案，目的是放宽新喀里多尼亚地区选举个选民限制，让更加多个欧洲裔搭仔波利尼西亚裔新移民拥有地方选举参政权，引起当地原住民对于自家影响力畀伊拉削脱个弗满。

事态进展

5月13号，当地代表来勒激烈辩论箇隻法案啊是要通过个辰光，努美阿个街丄发生暴力抗议。执法部队同支持独立个示威者发生冲突，造成火灾、抢劫搭仔宪兵受伤，附近个公共服务机构也关脱哉。法国高级专员请求巴黎增援，宣布48個钟头里向禁止带搭仔运武器搭仔禁止卖酒。

5月15号，马克龙宣布新喀里多尼亚进入紧急状态。

5月18号，法国内政部长宣布派宪兵去新喀里多尼亚维持秩序。

5月23号，马克龙亲自赶到新喀里多尼亚，呼吁大家克制，承诺投票改革措施弗会得马上推出。

影响

• 法国当局取消新喀里多尼亚个2024年夏季奥林匹克运动会火炬传递。
• 法国宣布当地进入紧急状态，部署部队，禁止使用TikTok。