2020年长江口碰撞事故

2020年长江口碰撞事故是2020年8月20号凌晨發生勒長江口个一桩兩船碰撞个事故，造成12人死脱，2人失踪，3人畀救下来哉。

事故

2020年8月20号凌晨3点39分，一艘裝有约3000吨汽油个辽宁锦州籍运油船“隆庆1”跟江苏南京籍砂石货船“宁高鹏688”（用“顺达11”名义套牌跑个）来勒中華人民共和国上海市长江口灯船东南约1.5海里个地方撞勒一道，油船个甲板马上就失火哉，而砂石料船直接沉下去哉。油船上有14人，砂石料船上有3人。

事故发生以後，上海海上搜救中心派出救助直升机搭搜救船咾啥个去事故現場灭火救人，發佈航行警告

9月29号，交通运输部海事局下发个通知里向提到本次事故造成12人死脱，2人失踪。11月5号，上海海事局发布对“宁高鹏688”轮进行沉船解体打捞作业个消息。