2015年净选盟4.0集会

2015年净选盟4.0集会

2015年净选盟4.0集会（马来语：Perhimpunan Bersih 4），是2015年8月底，马来西亚非政府组织干净与公平选举联盟（净选盟）勒垃吉隆坡组织个反对总理纳吉·阿都拉萨个一個馬來西亞發展有限公司醜聞个街头示威，目的是叫纳吉下台、政府变清廉、外加挽救国家经济，是马来西亚国会通过《和平集会法令》仔个头一场宣布是非法集会个集会。虽然政府想尽办法拦牢，封脱网站、关脱相关内容，必过集会还是成功举办。警察表示有得2.5万人，主办方则吹来仔超过20万人。

集会个辰光，还有交关别个花头。比方讲，有人勒路边发有毒个饮料，吃坏脱交关人；也有人勒国庆日倒数个辰光掼炮仗想干扰集会，畀警察搭仔民众捉脱去，还有得4家头受伤。