2007年加沙地带争夺战
阿拉伯文讲：معركة غزّة﹞ 总结：阿拉法特（勒2004年11月）死脱后，哈馬斯赢着2006年巴勒斯坦大选，伊搭弗甘心受巴勒斯坦解放组织（法塔赫）个摆布，勒2007年6月12号至6月14号通过武装冲突從法塔赫手裏頭完全夺取加沙地帶个控制權。
伤亡：双方120个人死脱，
550人受伤。
背景
[编辑]6月10号，哈马斯武装分子挟持仔一星个法塔赫成员，拨一个叫Mohammed Sweirki个总统侍卫从加沙顶高个15层大楼掼向大街。法塔赫武装分子为着报复，杀脱一间寺庙个主持Mohammed al-Rifati。随即又向首相伊斯梅尔·哈尼亚（Ismail Haniya）个居所开火。勒半夜之前，有个哈马斯个武装分子也拔人从12层高楼掼向大街。
6月11号，法塔赫个领导人——巴勒斯坦自治政府主席阿巴斯，搭当时个哈马斯首相哈尼亚家舍同时遭人用自动枪搭炸弹袭击。
袭击开始
[编辑]6月12号几百个哈马斯武装分子开始攻击拨法塔赫占领两只据点。三个小时后就占领着搿星地方。
加沙地带
[编辑]有个目击者同法新社搭话：北面一个法塔赫基地叫做Jabaliya个城市已拨哈马斯占领哉。加沙市法塔赫总部周围发生顶严重个械斗，哈马斯武装分子搬来火箭炮搭交关自动武器一阵子狠打。
6月13号，哈马斯占领加沙北部原本系法塔克控制个国家安全部。枪手以高楼大厦做据点猛烈开火，中午哈马斯讲己经消灭一个居勒加沙南北大道浪个法塔赫据点。
到下午，同法塔赫有联系个保安部队总部拨人炸毁，里头死脱五个人。
6月14号，哈马斯枪手终于冲进保安总部个中央大楼。哈马斯成员展示自治政府个战车搭仔武器。根据伊搭讲，搿星武器侪是近来两月以色列搭美国由埃及偷运去加沙送拔法塔赫个。
6月14号下午，美联社报道加沙市继续有爆炸。据法塔赫官员个说话是保安部队撤走后炸脱搿星岗位，弗好白白送拔哈马斯。来歇保安部队转去别个地方驻守哉。
同一日哈马斯宣告控制仔加沙地带个南部，并让以色列、巴勒斯坦搭欧盟个保安部队去监察城市拉法。欧盟个部队事前已经以安全理由撤出去以色列城市Ashkelon。
政治后果
[编辑]巴勒斯坦自治政府主席阿巴斯宣布解散国会、进入紧急状态。巴勒斯坦自治政府首相伊斯梅尔·哈尼亚（Ismail Haniya）拨人逼宫，阿巴斯想透过主席令同时统治加沙搭西岸。
哈马斯个发言人山米·阿布·祖赫里（Sami Abu Zuhri）随即回应讲：阿巴斯个决定是「习惯个做法... 来歇弗值一个铜钿」，而哈尼亚哩：「就算伊个主席拨辞退依然是政府首脑」。
自从搿辰光，巴勒斯坦自治区就正式拨分裂作两部分：即哈马斯控制个加沙地带搭仔法塔赫管辖个约旦河西岸。
国际浪个态度
[编辑]美国、欧盟搭以色列，一边到支持实际控制西岸个巴勒斯坦自治政府。6月18号，美国、欧盟分别宣布，同巴勒斯坦自治政府恢复正常关系，恢复经济援助，以色列破天荒拿巴人自治政府叫做「伙伴」，而且拨哈马斯上台辰光冻结个关税，一古脑儿移交拨巴勒斯坦自治政府。