2000年西巴丹岛绑架案

2000年西巴丹岛绑架案（英语：2000 Sipadan kidnappings）是勒2000年4月23号马来西亚沙巴州西巴丹岛发生个一桩人质危机。恐怖组织阿布沙耶夫个6家头跑到岛浪捉脱21名人质，包括9個马来西亚人、10個欧洲人、2個菲律宾籍员工。阿末，所有受害者侪安全释放。

事体

2000年4月23号，阿布沙耶夫恐怖组织个6名成员勒西巴丹岛绑架仔10名马来西亚人、3名德国人、2名法国人、2名芬兰人、2名南非人、1名黎巴嫩人搭1名菲律宾人。有一对美国夫妻搭一名当地海洋摄影师成功逃出来，呒没受伤。所有人质后首来侪畀伊拉关勒菲律宾霍洛岛丄。另外，勒垃霍洛岛丄个记者也畀伊拉捉脱。

阿布沙耶夫提出交关要求，包括释放1993年世界贸易中心爆炸案个犯人拉米兹·尤塞夫、240万美金个赎金，还要政府军队从霍洛周边全部退转去。

後续

德国敦促德国公民覅去沙巴。而总理马哈蒂尔·穆罕默德表示，绑架案要影响到沙巴州个旅游业，但弗会影响马来西亚别个地方。

4月27号，马哈蒂尔讲，马来西亚愿意搭绑匪进行谈判，话仔么会得尽一切努力确保人质放出来个。8月20号，马来西亚花仔论百万美金拿所有马来西亚人质救出来。同年8月28号，利比亚个卡扎菲也相帮拿西方人质赎回来，救出一個人花仔100万美金。。

菲律宾陆军勒2000年9月16号发动进攻，救出除开菲律宾潜水教练罗兰·乌拉（Roland Ullah）个所有人质。乌拉一直到2003年才畀放出来。

箇桩绑架案个主谋勒几年以后拨菲律宾政府逮捕，死勒2005年3月16号勒马尼拉东南面巴贡迪华（Bagong Diwa）监狱个暴动里向。其他人勒垃2016年畀菲律宾捉起来，2024年10月16号判伊拉终身监禁。