1997年印度尼西亚森林大火

1997年10月份个烟雾情况

1997年印度尼西亚森林大火，因头是烧森林刀耕火种清理土地，死脱240人，一直到1998年才结束，影响整隻东南亚。

1997年年中，印尼森林大火烧出来个浓烟就开始飘到别个国家去哉，拿马来西亚、新加坡罩牢哉。马来西亚政府派仔支马来西亚消防队去印度尼西亚去帮忙救火，代号“霾行动”（Operation Haze），因为雾霾害得马来西亚国内生产总值（GDP）损失脱大概0.30%。伊辰光个印尼总统苏哈托，亦因为箇失火公开向所有受影响个国家道歉。

12月头浪，落过一阵雨，勿过好景弗长，呒没几日天又干哉，火又烊起来哉。1997年年底搭1998年年初，连得文莱、泰国、越南、菲律宾搭斯里兰卡侪拨森林大火个烟雾罩进去哉。一直等到森林大火彻底熄脱个辰光，差弗多有800万公顷个土地烧光脱，勿得知有多少人吃足仔空气污染个苦头。