1996年马来西亚大停电

1996年马来西亚大停电，是1996年8月3号下半天5点17分发生个一桩超级大事故，整個马来半岛乌漆嘛黑，停电停仔超过12個钟头，是马来西亚历史上顶顶严重个停电事故之一。

因头

主要是国家能源公司勒垃登嘉楼一座发电站附近个输电线路坏脱，结果像多米诺骨牌一样，弄得唻马来半岛全部发电站侪受影响，整隻电网崩溃脱哉。

影响

1996年8月3号下半天5点17分，马来半岛停电哉。碰巧夜高峰，主要城市一片混乱，交通堵牢、铁路停运、工厂停工、活动取消，连马六甲丹绒吉宁个丹绒布鲁士港也因为停电呒办法办理进出港。最殟塞个是，霹雳州有4個小囡因为点蜡烛照明，引发火灾畀烧杀脱。全马来西亚还发生仔200多桩交通事故，至少死脱3個人。

电力勒垃隔天早浪向9点半才恢复，停电持续15個钟头。

按照马来西亚制造商联合会（FMM）个估算，当天制造商损失有得1.23亿令吉。国家能源公司（TNB）自家也损失仔几千万，股票价钿一泻千里。

政府回应

当时个总理马哈蒂尔·穆罕默德老光火个，讲国能“呒没从上趟事故里吸取教训”，要求伊拉彻底整改。另外，政府考虑再造全国电网，建立全国并行电网，外加去中心化个电力分配中心，生怕下趟再出箇种事体。