龙港市
龙港市是中华人民共和国浙江省直辖、温州市代管个县级市，鳌江流域中心城市，温州市区南70公里左右个地方[1]，勒垃鳌江入海口南面，东面是东海，西接横阳支江，隔开鳌江是平阳县鳌江镇[2]，是温州市南部最大平原地带。市人民政府勒垃鎮前路195號。
龙港原来是鳌江南岸个渔村，1982年开始造港口，1983年设镇。1984年，当地政府以当年中央文件里向“允许农民自理口粮到集镇落户”箇句言话作为依据，规定勒垃当地购地建房、经商办企业个农民好直接落户，向农民开放土地有偿使用权，交关农民自费来到镇上经商投资落户，引起《人民日报》咾啥个媒体关注。国务委员王芳也畀龙港题写“中国农民第一城”[3]。龙港先后获得“中国印刷城”、“中国礼品城”、“中国台挂历集散中心”、“中国印刷材料交易中心”等称号，2018年勒垃全国千强镇里向排勒第17名。[4]
1987年开始，龙港就有设市个诉求[5]。勒垃龙港设市前，《第一财经》曾发文讲龙港镇可能是中国顶大个镇[5]。1996年，龙港曾畀国家11個部委列成小城镇综合改革试点，实行县级计划单列，享受多数县级经济权限[4]，必过几年以后畀县政府收回去[6]。2014年12月份，龙港镇成为《国家新型城镇化综合试点总体实施方案》两個试点镇之一，苍南县开始下放财政、商务、统计权限[5]。2019年8月，经国务院批准，龙港改制成立县级市，由浙江省直辖、温州市代管[7]。2019年9月份，龙港市正式挂牌成立。
参考
[编辑]- ↑ 叶双莲; 王建平 (2015-01-07). 龙港，小城故事多. 温州网. 访问日脚2019-09-04.
- ↑ 陈绍雄（2012）．“苍南龙港”，当代浙江城市发展 下 ．北京：当代中国出版社．ISBN 978-7-5154-0163-8．
- ↑ “农民第一城”温州龙港撤镇设市. 观察者网 (2019-08-30). 访问日脚2019-08-30.
- ↑ 4.0 4.1 蒋萍; 刘海波 (2018-12-04). 温州龙港：一座农民城的蜕变之路. 大公报. 访问日脚2019-08-30.
- ↑ 5.0 5.1 5.2 可能是中国最大的镇！温州龙港升级，不再羡慕“城会玩”. 第一财经 (2016-07-31). 访问日脚2019-08-30.
- ↑ 谢云挺 (2019-11-05). “中国第一座农民城”温州龙港新观察. 新华网. 原始文档勒2009-11-08存档.
- ↑ 重磅！龙港撤镇设市！由浙江省直辖，温州市代管. 温州发布 (2019-08-30). 访问日脚2019-08-30.
外部链接
[编辑]
| ||||||||||||||||||||||||||||||||||||||||||||||||||||||||||||||||||||||||||
