龙柏街道
龙柏街道是上海市闵行区老底子一隻街道，东到新泾港、虹桥镇、虹井路，西到北横泾，北到长宁区，南到七宝镇、虹桥镇，面积4.54平方公里[1]，2000年成立，2010年拆分撤销哉[2]。
历史
[编辑]街道建立前
[编辑]1949年5～7月，上海市军事管制委员会新泾区接管委员会先后设5隻办事处，管理6隻镇、69隻行政村、386隻自然村。1950年6月份，因为龙华区面积忒大，虹桥镇蒲汇塘以南部分划畀新泾区，设虹桥乡搭仔新泾乡。[3]。伊辰光，箇地方是西郊村，归新泾乡管。[3]1956年3月份，新泾、虹桥两镇帮新泾区一道撤销，并进西郊区[4]。1958年8月份，上海市西郊区诸翟、宝北、宝南、莘庄、朱行、西郊6乡，七宝镇全部搭仔虹桥、华村、上中、华漕4乡部分地区划畀上海县[5]。
1992年7月份，虹桥乡西郊村划畀长宁区新泾镇，农副工业管理也划畀长宁区[6]。同年，上海县撤销改闵行区，虹桥乡撤乡改镇。1994年，为咾解决西郊村“一块土地，两隻政府”个问题，西郊村再划畀虹桥镇，闵行、长宁东面按照徐虹支线、西面按照沪青平公路中心线重划区界。[6]
街道成立
[编辑]1997年，龙柏新村街道成立，主要是原虹桥镇西郊村、先锋村、华光村地块，辖区包括龙柏新村、金汇花园、华光村。[7][6]
2000年10月8号，上海市人民政府下发文件[8]，批准龙柏新村街道帮航华街道合并建立龙柏街道。[9]
拆分撤销
[编辑]2009年9月份，根据“大虹桥”地区发展方案，龙柏街道办事处消息人士表示，要沿牢沪青平公路成立“新虹桥街道”，拿龙柏街道撤销脱。[10]
上海市人民政府下发文件仔么[11]，闵行区勒垃同年10月24号举行新虹街道成立大会，撤销龙柏街道，龙柏街道个箇批人基础建立新虹街道，暂驻航西路1号。新虹街道帮七宝镇、虹桥镇个分界是沪渝高速[12]。根据箇拆分方案，龙柏新村、金汇花园、虹光村侪划畀虹桥镇；航华新村片区一劈两，沪渝高速南面分畀七宝镇；外环线以西、沪渝高速以北个划畀新虹街道[13]。
知名人物
[编辑]“开心小屋”
[编辑]鲍美利是位声乐教师，退休前勒垃上海乐团做生活。1996年，鲍美利一家从黄浦区原人民广场街道动迁动到龙柏三村。2006年，居委会组织社区老年人开座谈会，鲍美利就勒垃屋里向开仔一礼拜一趟个“爱心小屋”活动，深受当地居民好评。箇活动模式搭仔经验畀其他地方认为是“开创邻里养老新路”[14]。鲍美利夫妇也因此勒垃2012年4月份进仔中央文明办发布个“中国好人榜”[15]。
参见
[编辑]参考
[编辑]- ↑ 沪“大虹桥”调整规划报批 100公顷土地待嫁. 上海市住房公积金网 (2009-09-11). 原始文档勒2017-10-16存档. 访问日脚2025-08-03.
- ↑ 2009年统计用区划代码和城乡划分代码：闵行区. 中华人民共和国国家统计局. 访问日脚2017-10-15.
- ↑ 3.0 3.1 上海县志 >> 第一篇建置 >> （三）行政区划. 上海市地方志办公室. 上海通网站. 原始文档勒2015-09-24存档. 访问日脚2019-04-20.
- ↑ 上海县志 >> 第一篇建置 >> （三）行政区划 上海市新泾区、龙华区、西郊区行政区划. 上海市地方志办公室. 上海通网站. 原始文档勒2017-02-27存档. 访问日脚2017-08-04.
- ↑ 上海县志 >> 第一篇建置 >> （二）县域 >> 境域变化. 上海通网站. 原始文档勒2016-03-04存档. 访问日脚2017-07-31.
- ↑ 6.0 6.1 6.2 上海民政志 >> 第二章行政区划管理 >> 第二节 解放后区划管理. 上海市地方志办公室. 上海通网站. 原始文档勒2016-03-27存档. 访问日脚2017-08-03.
- ↑ 年鉴 >> 上海年鉴1998 >> 四十三、区 >> 节 (一)综述. 上海市地方志办公室. 上海通网站. 原始文档勒2014-02-19存档. 访问日脚2017-08-03.
- ↑ 沪府〔2000〕71号
- ↑ 时间的刻度 历史的脚步. 闵行报社. 闵行报 (2017-10-14). 原始文档勒2017-10-14存档. 访问日脚2017-10-14.
- ↑ 王佳敏 (2009-09-09). "大虹桥"所涉行政区拟作调整 龙柏街道或"消失". 青年报社. 东方网. 原始文档勒2017-10-14存档. 访问日脚2017-10-14.
- ↑ 沪府〔2009〕100号
- ↑ 现场：闵行区举行新虹街道成立大会_新民网_为民分忧 与民同乐. 新民网. 新民网. 原始文档勒2017-08-04存档. 访问日脚2017-07-21.
- ↑ 走进新虹. 上海市闵行区人民政府驻新虹街道（社区）办事处. 原始文档勒2017年7月31日存档. 访问日脚2017年7月21日.
- ↑ 鲍美利们探索出邻里互助式养老新路子. www.shanghai.gov.cn. 访问日脚2017-10-15.
- ↑ 鲍美利:创办"开心小屋"点亮社区老人心火. 中国文明网. 访问日脚2017-10-15.