黄道婆墓，勒垃上海市徐汇区华泾镇东湾村徐梅路700号黄道婆纪念公园里向，是元朝女纺织技术家黄道婆个坟头，由乌泥泾乡人自家造个，民国时期勒垃乱葬岗里向，1936年畀人寻出来。中华人民共和国成立后，1957年重修，1962年立墓碑。文化大革命个辰光，黄道婆墓畀人推平哉。1984年，上海市文物管理委员会重修箇隻坟，进行扩建。1986年，政府拿坟迁到现在箇隻地方。1962年、1987年，黄道婆墓先后两趟成为上海市文物保护单位。
