叫化鸡

叫花鸡

叫化鸡，也叫叫花鸡、叫化子鸡、黄泥煨鸡、乞儿鸡、富贵鸡咾啥个，是江苏、浙江个道名菜。

1956年，杭州市工人文化宫举办饮食博览会，评委从各大餐馆选送个200多道菜里向选出36道杭州名菜，经浙江省人民政府认定发布，叫化童鸡勒垃里向。1972年，美国总统尼克松访问中国个辰光亦吃过箇道菜。

做法

现代叫化鸡么，拣头小体大、肥嫩个三黄鸡，勒垃鸡肚皮里向塞十几种鲜料，用猪网油、鲜荷叶拿伊包起来，摆勒泥里向烤，味道邪气鲜美，有荷叶个香味道。现在也有用面团代替泥土做个。