黃巢㘰村

黃巢㘰村
—  行政村  —
省	浙江
市	湖州
縣	長興
鎮	泗安

黃巢㘰村，是吳越浙江省湖州市長興縣泗安鎮个一隻行政村。

基本情況

黃巢㘰村有拉泗安鎮东南面，东面搭林城镇搭界，南面搭龙山山区搭界，西面搭钱莊村咾五里渡村搭界，北面搭管埭村隔了條河港。

2019年底，黃巢㘰村面積10.95平方公里。村委會有拉泗安鎮黃巢㘰村黃巢崗自然村，下腳有羅家㘰、金家、長友、南莊、神塘、塔上、樓家邊、椅子、田畈、唐家灣、程家灣、張家灣、許家塘、長山溝、塔山、龍山、張家邊、鄭家山、小圍子、吳家小山、東村、黃巢崗搭郭家介23隻自然村。

歷史

黃巢搭塔山兩隻村坊解放初分別歸管埭鄉五村搭六村，1957年3月搭長山合建第八高級社；1958年10月再建黃巢大隊，歸大泗安公社管埭管理區，1961年區劃調整大隊一分爲三，分立黃巢、塔山搭長山三隻大隊，歸管埭公社。1983年，大隊改成行政村。2002年，本來个黃巢、郭家邊搭塔山三隻村坊合併，叫黃巢村。2002年，本來个長友、長山搭塔上三隻村坊合併，叫塔上村。2018年7月份，黃巢搭塔上兩隻村坊合併，用泗安第一大斗區“黃巢㘰”个名字，取名黃巢㘰村。