鲸吞亿万

《鲸吞亿万》（英语：Billion Dollar Whale: The Man Who Fooled Wall Street, Hollywood, and the World），全名《鲸吞亿万：一个大马年轻人，行骗华尔街与好莱坞的真实故事》，是《华尔街日报》两個记者汤姆莱特搭仔布拉利霍普写个一本畅销书，讲马来西亚年轻华人刘特佐、前总理纳吉·阿都拉萨哪能骗过华尔街、好莱坞，拿马来西亚个国家基金（1MDB）里向个几十亿美元掏空个真实故事。书勒2018年9月18号出版仔么，勒马来西亚卖到脱销。

内容

简单来讲，就是刘特佐搭当时个总理纳吉串通好，拿国家个钱（1MDB基金）假装用来投资，实际上通过空壳公司、假合同，拿钞票洗到個人账户里向，然后用掰眼钞票勒全世界瞎花。《华尔街日报》个记者调查仔么，话有7亿美元（差不多26亿令吉）个赃款还直接进仔总理纳吉个人个银行账户里，用来做竞选经费。

出版搭反响

2018年9月25号，《鲸吞亿万》新书推荐会勒垃马来西亚首都吉隆坡举行。会浪，作者就讲，要是马来西亚5月份呒没换政府，掰本书根本呒没可能勒马来西亚出版。

2018年9月15号，刘特佐通过代表律师要全球书局禁止售卖《鲸吞亿万》书籍，弗成。

2018年9月27号，马来西亚前总理纳吉·阿都拉萨个特别事务官依山加里尔勒垃《鲸吞亿万》新书发布会上，要求作者汤姆莱特出示相关证据。

2019年2月份，微软创办人比尔·盖茨勒垃美国有线电视新闻网（CNN）个节目丄推荐《鲸吞亿万》箇本书。

2021年11月，美国政治权谋电视连续剧《纸牌屋》个编剧鲍尔威利蒙计划拿箇书拍成电视剧。