高淳县

高淳县，中国南京老底子隻县个名字，乃朝是江苏省南京市高淳区。

历史

明朝弘治年间，从溧水县拆出来高淳县，县治勒垃淳溪镇，划畀南直隶应天府管理，因为有高淳古镇，也就是乃朝淳溪镇。长毛定都天京个辰光，高淳县划畀天京省江宁郡。同治三年（1864年），清军拿长毛打跑，高淳重新划畀江宁府。

民国元年（1912年），高淳县畀江苏省管。1914年，勒垃省、县两级当中设道，高淳划畀江苏省金陵道。1927年，道弗用哉，又变成江苏省直接管个。1934年，江苏省实行行政区督察制，高淳县畀溧阳行政督察区管。1935年9月份，划畀第十行政督察区（勒垃江宁）管理。1937年12月7号，侵华日军攻占高淳县城，建立伪政权；民国高淳县政府撤到第五区青桂塘，上头是江南行署第一区行政督察专员公署。1942年新四军勒垃高淳镇组织过抗日活动。

1949年4月23号，渡江战役里向解放军占领南京。同日天，中共高淳县地下特别支部勒垃高淳县城贴标语，发传单，组织地方商人成立高淳县地方秩序维持委员会，稳定高淳当地局势。5月2号，中共高淳县委、高淳县人民政府地方干部、一隻武装排进驻县城，完成交接，划畀苏南行署区镇江地区专员公署领导。3号，宣布正式成立高淳县人民政府。4号，县委、县人民政府接管中华民国高淳县政府各科室、国民党县党部、参议会、警察局、司法处等党政部门的档案、印章、粮食、物资咾啥个。

1953年1月，苏南行署区撤销，成立江苏省，高淳县从南京划到江苏省镇江专区。1983年3月1号，变成市管县体制，高淳县划畀南京市管理。2013年，高淳撤县设区。