马来西亚卖林梦诽谤案

马来西亚卖林梦诽谤案，是一晨光个马来西亚总理马哈蒂尔·穆罕默德搭英文周刊《远东经济评论》勒1987年到1991年间打个桩官司。搿桩诉讼搭《远东经济评论》一篇讲马来西亚政府想拿林梦（Limbang）卖畀文莱个文章搭界。后来双方勒1991年3月勒法庭外头达成和解，结局是搿本杂志答应登道歉启事，再付五万块堂费就算结束哉。

因头

1987年5月20号，《远东经济评论》登仔篇讲马来西亚政府想拿林梦卖畀文莱个文章，话么马哈蒂尔勒搿年3月头去访问文莱主要是去讨论啊好拿文莱一劈两个马来西亚砂拉越州块森林地区卖畀文莱，搿片地方就是林梦。报道还讲，要是搿桩土地交易成功，文莱个领土就会差弗多翻一倍，马来西亚也会得多仔60亿美金收入。同年8月11号，当时做马来西亚总理马哈蒂尔·穆罕默德用個人身份通过律政司起诉《远东经济评论》搭伊拉个编辑，告伊拉诽谤。

马哈蒂尔勒伊个诉状里讲，1987年5月21号搿本杂志勒第11页个“情报栏”里向登仔关于伊作为总理个文字，标题叫“砂拉越个买卖？”（Sarawak sale?），是指责起诉人：

1. 参与项违反宪法个秘密做法，想拿砂拉越个部分地卖畀文莱；
2. 为仔达到搿个目标，参与项决定，勒访问文莱个用意浪讲假话；
3. 起诉人弗适合做马来西亚总理。

庭外和解

1991年3月8号，马哈蒂尔搭《远东经济评论》双方勒法庭外头达成和解。被告同意勒下一期个杂志丄刊登收回讲法搭道歉个启事，同时付五万块堂费。勒3月9号，马哈蒂尔发表谈话讲，因为伊勒起诉《远东经济评论》个事体里已经达到伊个目的——寻出哉真相，葛咾答应搭搿本杂志外头和解。