马尔班县

马尔班县 Provincia de Marbán
—  县  —
旗幟
Location of 马尔班县
政府所在地	洛雷托

马尔班县（西班牙语：Provincia de Marbán）是玻利维亚个县份，垃拉该国东北部，属于贝尼省个一部分，首府设拉洛雷托，面积15,126平方公里，人口16,331人（2012年国家统计局个数据），人口密度每平方公里1.08人。

县里向有得交关河港咾湖，比方讲阿基莱斯湖。箇隻县个名头是从佩德罗·马尔班神父个名头来个，1682年渠拉难朝个洛雷托个场许建立仔莫克索斯耶稣会传教区头一隻传教点。

历史

西班牙殖民美洲个辰光，1682年，耶稣会会士拉难朝个马尔班县建立仔莫霍斯地区头一隻耶稣会传教所。隻傳教所是耶稣会教士佩德罗·马尔班搭西普里亚诺·巴拉塞、何塞·德尔卡斯蒂略一淘搞起来个，取名“洛雷托圣母”，是后首来个莫科索斯传教区个开始。

1937年12月3号，总统赫尔曼·布施签仔法令，正式成立马尔班县，首府勒拉圣伊格纳西奥，下头管四隻村：圣伊格纳西奥、圣洛伦索、圣弗朗西斯科搭圣安东尼奥。

1941年11月27号，顶高法令拿马尔班县个西南面划出来，成立新个莫克索斯县。新个马尔班县首府改成洛雷托，分两个市镇：洛雷托（管萨乔赫雷搭圣安东尼奥两隻村）搭圣安德烈斯（管圣洛伦索搭佩罗托两隻村）。

地理

马尔班县勒拉贝尼省个东南部，北面搭塞尔卡多县搭界，东面咾东南面搭圣克鲁斯省个瓜拉约斯县搭界，西南面搭科恰班巴省个查帕雷县搭界，西面搭莫克索斯县搭界。

县里向地势平坦，无得起伏。北壗搭东壗森林蛮兴个，南壗咾西壗是低咾容易没水个草原。县里向个水文系统包括交关河港、湖、沼泽搭湿地，所有河港全属于亚马逊流域。顶重要个河港包括马莫雷河（全程好通航）、塞库雷河、伊西博罗河咾啥个。主要个湖有阿拉雷湖、孔瓜瓜湖、新世界湖搭卡钦博湖咾啥个。

市镇

马尔班县分成两隻市镇：

• 洛雷托：首府
• 圣·安德烈斯：人顶多个市镇

旗帜

马尔班县个县旗是1992年个辰光，，当成贝尼县成立150周年庆祝活动个一部分提出来个。伊歇要勒拉特立尼达（贝尼省省会）举办相关庆典咾，贝尼省省长鲁文·达里奥·阿蓬特（Rubén Darío Aponte）请马尔班县副县长阿尔文·里韦罗·卡尼多（Alben Rivero Canido）召开会议，设计咾确定县旗。

马尔班县个县旗，设计包括两条横个条纹：靠近旗杆个部分，占整面旗帜三分之两阔个是绿色条纹，另外三分之一是白色条纹。拉白色条纹当中竖仔一枚隻金颜色个十字架。绿色象征县里向个自然资源丰富，白色代表乡下人个纯洁搭希望，金颜色十字架象征第一批耶稣会传教士进到莫霍斯地区，带来仔福音传播搭第搭场许顶早个畜牧业。