马太受难曲

马太受难曲（德语：Matthäuspassion），编号BWV 244，是约翰·材排斯汀·巴赫1727年写个清唱剧，剧本是诗人Picander用德语写个。讲个是马太福音第26到27章个耶稣受难个事体。原生个拉丁文题目叫Passio Domini nostri J.C. secundum Evangelistam Matthæum（“照牢福音书作者马太记载个耶稣基督个受难记”）。

巴赫写个流传到现在个受难曲共总有两部，另外部是1724年头一届演出个《约翰受难曲》。

内容

马太受难曲由两隻合唱团搭两隻管弦乐队演出。用着个乐器有长笛、双簧管、小提琴、中提琴、维奥尔琴、低音提琴等等。

剧里向耶稣讲闲话有特别个弦乐伴奏，常桩畀人称为“光环”。只有钉勒十字架丄个遗言“以利，以利，拉馬撒巴各大尼？”（“我个神，我个神，爲啥離棄我？”）呒不箇种光环。

出名

巴赫活勒丄个辰光，马太受难曲只演奏过少数几届。1829年之前，莱比锡以外个地方基本朆演奏过完整个马太受难曲。勒1829年，廿岁个泛利克斯·门特尔松搭柏林歌唱学院合作，勒柏林演奏马太受难曲（做着部分删减），获得成功。箇让巴赫个音乐（特别是大个作品）重新引发公众个关注。