馬克思主義

来自维基百科
蹦到: 导航搜寻

馬克思主義是一種以唯物主義解釋歷史辯證法、搭朝資本主義批判所發展出來個經濟政治社會世界觀。勒19世紀中後期,卡爾·馬克思弗里德里希·恩格斯造出仔馬克思主義個理論架構。馬克思主義做根基或者方法論個寫作對現代個政治哲學搭社會運動產生仔窮大窮廣個影響,包括俚特別個哲學社會學政治經濟學、搭仔革命意識形態[1]。對於馬克思主義的理論並沒有一套統一的定義,也因此它在眾多的領域和題材上出現多元的發展,導致其門下包含眾多明顯對立甚至互相衝突的理論[2]

馬克思列寧主義用唯物主義個立場檢視社會個發展,認為人類社會是架構勒賴以为生個經濟活動浪向。經濟組織個架構搭生產模式畀視為是人搭人當中個社會、政治、法律搭道德關係個根本來源(或者至少發揮仔主要個影響),該點社會關係進一步構成仔馬克思所謂個上層建築。跟牢生產模式個進步,本來個社會組織搭關係變得嘸沒效率還搭經濟活動產生衝突,該種衝突接下來發展成為階級鬥爭[3]。按照馬克思主義個分析,由无产阶级勞動操作個高效率機械化生產模式,勒生產過程中幫少數有生產工具個資產階級產生仔剩餘產品並且成為剩餘價值,該種剝削關係進一步轉化變仔根本性個矛盾,該種矛盾越來越大,社會個革命肯定會得發生。馬克思主義預測社會主義會從革命裏向產生,還會得拿生產工具還畀集體個手浪,跟據每個人個「實際勞動」發利潤,還根據「需求」而弗是利潤規劃生產。馬克思還講勒社會主義後頭,共產主義會得誕生,生產模式是各盡所能、各取所需,成為一個無階級、無國界、無貨幣、無私人產權個社會。馬克思主義發展成為交關多個分支搭流派,弗一樣個流派對於古典馬克思主義個論點儕有弗一樣個解讀搭著重處,有辰光也會得融合非馬克思主義個概念,有仔該點理論方法浪個弗一樣,箇浪多馬克思主義流派除脫朝資本主義經濟個批判態度是一樣個,嘸沒已經確定個理論框架搭研究方法[4]。也因此,眾多從馬克思主義衍生个政治哲學,在追求社會主義丄所採取个策略常大弗相同。

參攷文獻[编辑]

  1. social science : 大英百科 - 馬克思主義對社會科學影響
  2. Wolff and Resnick, Richard and Stephen(1987年August月).Economics: Marxian versus Neoclassical.The Johns Hopkins University Press.ISBN 0801834805.原文:“Marxian theory (singular) gave way to Marxian theories (plural).” 
  3. Comparing Economic Systems in the Twenty-First Century, 2003, by Gregory and Stuart. P.62, Marx's Theory of Change. ISBN 0-618-26181-8.
  4. O'Hara, Phillip(2003年September月).Encyclopedia of Political Economy, Volume 2.Routledge.ISBN 0-415-24187-1