飞英街道

飞英街道
—  街道  —
飞英塔 飞英塔
省	浙江省
市	湖州市
区	吴兴区

飞英街道，是浙江省湖州市吴兴区个一隻街道。街道有拉湖州市区中、北部，东面搭月河街道搭界，南面到骆驼桥北堍搭爱山街道搭界，西面到龙溪港搭凤凰街道搭界，北面到环城北路搭龙泉街道搭界，因飞英塔得名。辖区总面积2.7平方公里，下底有9隻社区（塔下街、米行街、竹翠园、吉山四、新华苑、吉北、墙壕里、余家漾、汀州苑）。

历史

楚国手裏屬菰城县，秦朝手裏是乌程县。宋朝太平兴国七年（982年）改歸归安县，是湖城左一厢（北厢）。下頭置济川、崇节、飞英、报恩、 崇新五界。元朝手裏歸湖州路录事司，原得是左一厢（北厢）。

明朝、清朝手裏屬歸安縣为北隅，分设崇节、崇新、济川、报恩、飞英五界。民国元年（1912年）属吴兴城。民国十八年（1929年）實行村里制，歸吴兴县第十区，设有北街、英士、海岛三里。民国廿年（1931年）里改成镇。民国廿四年（1935年）撤并乡镇，属吴兴县第一督导区月河镇。民国三十五年（1946年）属程安镇。民国三十七年（1948年）11月份，程安镇撤脫，重番属月河镇。1949年5月份，属湖州市月河区。1951年5月份，建制成湖州市第四镇。1952年11月份，併進第五镇。1954年3月份，重番變成第四镇。1955年5月份，镇改成第四街道。1958年7月份，四、五两個街道合併成第五街道。1962年4月份，又拆分出第四街道。1970年9月份，改名红星街道。1971年4月份，改回第四街道。1981年10月份，改名飞英街道。

2001年，新华苑、吉山四、吉山五、吉山六、余家漾、墙壕里、吉山村介七隻社區從龍泉街道劃到飛英街道。