顏叔周
（从颜大维转戳到箇里）
| 顏叔周 | |
|---|---|
 | |
| 出生 | 顏大維 |
| 逝世 | 1943年 |
| 别名 | 顏輅 |
顏叔周（？—1943年），也寫成顏叔舟，原名大維，後來改成輅，號叔周（叔舟），浙江吳興（介歇歸浙江省湖州市）人，清末、民國地方官員，抗日戰爭辰光投靠日本人，做過僞吳興縣知事。
生平
[编辑]顏叔周是湖州歸安（民國辰光烏程搭歸安合併成吳興縣）人，[1]蹲勒太平巷。[2][3][4]伽堂阿哥顏大組（號冠三）當過浙江財政廳長。[3][4]
顏考籍安吉縣，是拔貢出身（考名用个是顏大維），後末來到北京捐官，改名顏輅，分發廣東候補。[3]光緒三十二年（1906年），署任廣東海豐縣知縣。[5]光緒年間，渠還當過廣東歸善縣知縣。[6]宣統三年（1911年），署任廣東番禺縣知縣。[1][2]箇辰光黃花崗起義失敗，顏叔周監斬革命黨人。[3][7][8]據說辛亥革命之後顏回到湖州，有一通拉人家屋裏喫飯，碰着嘚戴季陶，戴季陶看見渠火煞嘚，擔酒壺打渠个頭，顏逃脫之後跑到杭州西湖避居。[3]
民國三年（1914年）2月份，做廣東羅定縣知事。[9]9月份，做梅縣知事。[10]民國十六年（1927年）之後，拉嘉興縣政府當過財政科長。[8][11]
抗日戰爭爆發之後，日軍攻佔湖州，顏叔周做嘚僞自治統治个稅務局長。[3]1938年10月份，“湖州自治委員會”改組成“吳興縣公署”，僞浙江省省長汪瑞闓派顏叔周當僞吳興縣知事。[2]後末來抗日分子刺殺顏叔周，渠險介險死脫，向省裏向提出辭職。[11]
家庭
[编辑]顏叔周有個獨生兒子，叫顏新甫，抗戰个辰光跑到延安，解放前入嘚共產黨，解放之後回轉到吴兴，無得繼續辰光生毛病無得嘚。[4]
參考資料
[编辑]- ↑ 1.0 1.1 （简体中文）（2000年06月）番禺市地方志编纂委员会办公室 编：番禺县续志 民国版 点注本 ．广州：广东人民出版社，303．ISBN 7-218-03387-3．
- ↑ 2.0 2.1 2.2 2.3 （简体中文）（1986年05月）“湖州的“县太爷””，中国人民政治协商会议浙江省湖州市委员会文史资料研究委员会 编：湖州文史 第四辑 ．
- ↑ 3.0 3.1 3.2 3.3 3.4 3.5 （简体中文）邱寿铭（2015年11月）．“敌伪时期的吴兴县供销合作社”，杨伟民，湖州市人民政府地方志办公室 编：湖州民国史料类纂与研究 个人遗作-邱寿铭专辑 ．沈阳：沈阳出版社，74-77．ISBN 978-7-5441-7137-3．
- ↑ 4.0 4.1 4.2 （简体中文）邱寿铭（2015年11月）．“湖州沦陷杂记（补遗）”，杨伟民，湖州市人民政府地方志办公室 编：湖州民国史料类纂与研究 个人遗作-邱寿铭专辑 ．沈阳：沈阳出版社，67-70．ISBN 978-7-5441-7137-3．
- ↑ 黃山. 晚清海豐縣知縣名錄訂補. 原始文档勒2025-03-24存档. 访问日脚2025-03-24.
- ↑ （简体中文）（2003年03月）卢国秋，蓝青 编：惠阳县志 ．广州：广东人民出版社，1046．ISBN 7-218-04249-X．
- ↑ （简体中文）司徒彤（1991年12月）．“辛亥革命时期番禺人民的革命活动”，番禺市政协文史资料委员会 编：番禺文史资料 第十二期 ，93．原文：“初三日（5月1日），番禺知县颜辂，又在广州两广优级师范学堂门口提审，枪杀党人6人。”
- ↑ 8.0 8.1 （繁体中文）王梓良 编：浙西抗戰記略 ．文海出版社，55．
- ↑ （简体中文）（1999年07月）肇庆市地方志编纂委员会 编：肇庆市志 下 ．广州：广东人民出版社，856．ISBN 7-218-03056-4．
- ↑ （简体中文）（1984年7月）“1911年-1949年4月 梅县历任县长一览表”，中国人民政治协商会议广东省梅县市委员会文史工作组 编：梅县市文史资料 第五辑 ，42．
- ↑ 11.0 11.1 （简体中文）吳藕汀．孤灯夜话：吴藕汀作品集 ．中华书局．ISBN 9787101090215．原文：“民国十六年（1927）后，纪念黄花岗七十二烈士之时，地方报纸上，称之为“刽子手”之颜大维正在嘉兴县政府任财政科长。据说在辛亥广州起义之时，正是任番禺知县。”
- ↑ （简体中文）邱寿铭（2015年11月）．“湖州沦陷杂记（再续）”，杨伟民，湖州市人民政府地方志办公室 编：湖州民国史料类纂与研究 个人遗作-邱寿铭专辑 ．沈阳：沈阳出版社，62-67．ISBN 978-7-5441-7137-3．
