韩国战争

出自维基百科,自由个百科全书
Korean War Montage 2.png
Korean War Montage 2

韩国战争(韩文:한국전쟁)是1950年6月25号由苏联毛泽东支持个金日成主动发起个一场针对美国支持个李承晚韩国政权个战争,是冷战当中一椿标志性个事体。迭个战争一直持续到1953年停战协定签署仔再算完结。迭场战争当中,金日成为仔达到自家统一朝鲜半岛个野心开战,弗过,美国为仔要维护亚太个均势,采取仔干预措施,并派遣自家军队为首个联合国军,帮襯大韩民国转危为安,外加开过三八线,引发毛泽东派遣彭德怀统领所谓抗美援朝志愿军进入半岛干涉。1953年,两方量到弗可能分出结果,便议和哉。弗过,迭個协议弗是和平协议,乃朝个朝鲜半岛还处拉两隻政权个对立当中。韩国战争对东亚局势影响大足,促进仔台湾地位保障搭日本个经济复苏。弗过,因为美国输脱仔,加浪伊后些来参与越南战争个缘故,迭个战争立在美国反倒是无幾許纪念,所以,也有所谓遭遗忘战争个称谓。