静电

一隻猫个毛带静电咾，泡沫塑料搭勒伊身丄向

静电是电荷勒垃物质系统里向弗平衡分布产生个情况。用毛皮摩擦橡胶棒、丝绸摩擦玻璃棒咾啥个方法侪好让物事带电。物事带电仔么，电荷会得保持直到同别个物事碰过么挪开，故咾叫“静电”。静电同电流弗一样，並弗是电荷勒垃导体里向个定向移动。带电个物事常庄好拿轻小物事吸起来。

去脱静电顶便当个办法就是用空气加湿器，提高空气个相对湿度，增加空气个导电性，让物事丄个静电通过空气跑脱。用离子发生器也好实现相同个效果。实际操作里向，人还好主动接地来去脱静电。