静安体育中心

上海市静安区体育中心，是中华人民共和国上海市静安区一座体育场，一开始勒垃康定路、昌化路路口，民国个辰光是新仙林舞厅，後来改成新仙林溜冰场，是伊个辰光上海顶大个溜冰场。1963年，改名静安区体育俱乐部。^[1]^[2]。

1995年，上海建筑设计研究院设计静安区体育中心^[3]，占地面积1,600平方米，总面积8万平方米，有得一座6层游泳馆、一座26层个体育综合楼。游泳馆建筑面积28,000平方米。^[4]1997年11月份，静安体育中心游泳馆开馆。^[5] 2017年9月17号，勒垃共和新路以东、汶水路以南个新静安体育中心竣工，占地面积61,733.8平方米，建筑面积71,291平方米，有得综合体育馆、全民健身馆、室外体育场、综合配套外加地下车库。综合体育馆里向有2片篮球场、2片排球场、4片网球场、16片乒乓球场、20片羽毛球场，1座泳池搭仔学生体质健康监测中心。^[6]勒垃全民健身馆屋顶个足球场是上海头一座勒垃屋顶个标准足球场。^[7]。