计算机体层成像（英文：computed tomography，简称CT）是一种医学影像检查。原理是通过单一轴面个X射线拿人体照一圈，因为弗同组织对X射线个吸收能力弗一样，可以用计算机个三维技术重新建立出断层面影像。再经过窗宽、窗位处理，乃么得到相应组织个断层影像。阿末得来拿断层影像一层层堆出来，就形成立体影像哉。伊个3D特点让诊断搭仔科研邪气便当。
增强型计算机体层成像（CT with contrast）搭一般个计算机体层成像个区别是勒扫描之前注射碘显影剂来增加显像个对比性。含碘显影剂有副作用，对过敏性体质、甲亢患者搭着肾功能弗全个患者尤其要当心过敏反应。
