电影
（从電影转戳到箇里）
电影，也叫做映画或者是映畫戏，是一种视听艺术（虽然讲现在也有交关多小规模个3D电影，利用座椅震动增加震动个感觉，利用水滴增加触觉，但是基本上，电影还是一种视听艺术），利用胶卷、录像带或者是数位媒体拨影像搭声音捕捉，再加上后期个编辑工作而成。
关于对电影中运动个感知，有星人认为是介么格：电影中看起来连续个画面，是由一帧帧单独个照片构成个，但是由于介眼帧格照片接替了交关快，人个肉眼么办法察觉出来伊拉是彼此独立个图像。介是由视觉暂留(persistence of vision)造成个。视觉暂留使得图像离开仔以后，仍然能勒眼睛保留“视像”十分之一秒横里。所以讲侬个大脑感觉到图像是“运动”个。
虽然介种看法是存在个，但并勿是正确个观点。对运动个感知，涉及到复杂个心理过程。勒1916年出版个德国心理学家于果·明斯特伯格个《电影：一次心理学研究》里向第三章《深度感和运动感》里向，于果·明斯特伯格证明了外观运动绝勿是影像滞留（就是视觉暂留）个结果，而是（但不仅仅是）对运动个连续阶段个感知。
一般来话，现在个电影都一般以每秒二十四格图像作放映标准。
刚里，交关多电影仍然用能把影像记录到胶卷上底个摄影机来拍摄。胶卷经过冲洗以后，再用放映机来运行胶卷。放映机可以发出光线，透过胶卷，介么格影像就勒银幕上底显示出来了。自从有声电影发明以来，大多数个电影都有配音。最近辰光交关多电影都用数码摄像机来拍摄，放映个时候，可以用数位放映机，也可以把数位影像转置到传统个胶片上底。
