雙林黃氏
歷史
[编辑]民國《雙林黃氏支譜》裏向講，黃氏个老祖宗有拉福建閩縣，福建黃氏个始遷祖是晚唐个黃滔。[1]
到了宋朝，黃榦个兒子黃秀華（字和浦）到浙江做官，是晟舍始遷祖。[1]黃秀華搭閔將仕關係蠻好，渠自家無得兒子，就招閔將仕个大兒子閔德源（也呌仁心）做入舍女婿，養了個孫子呌黃天衍。黃天衍養了五個兒子，又因爲閔將仕个小兒子（也就是天衍个弟弟）無得孫子，就讓自家第五個兒子重新姓閔。介咾《支譜》裏向講，雙林黃氏搭晟舍闵氏是“姓雖二，而宗則同”。《支譜》搭閔將仕、黃秀華兩個人列爲始祖。[1][2][3]清朝《晟舍镇志》裏向記載交關姓黃个人，有刮黃姓後頭會得寫“本姓閔”。[1]
黃家門一開始搬到晟舍北面三里路个栖梧。[1]明朝中葉个辰光，有一支搬到吳江。[1]明朝萬曆手裏，有一支搬到雙林，拉雙林發展壯大。咸豐四年（1854年），黃氏第十七世孫黃祖（素村）拉雙林造祠堂，呌“黃氏支祠”，來區別有拉晟舍个黃閔宗祠，修个家譜也呌“黃氏支譜”。支祠第一進个禮堂當中擺了塊大屏風，上頭寫了大司寇閔珪寫个兩百廿字个家訓。[3]
黃閔橋
[编辑]
傳說中黃秀華蹲了晟舍荻塘西，閔將仕蹲了晟舍荻塘東，荻塘丄造了一埭“黃閔橋”。[1][3]民國《支譜》丄刊登黃氏第廿一世黃篤初拍个“晟舍黃閔橋”照片一張，寫許“晟舍黃閔橋爲吾族發祥地因系古蹟故特存”。[3]
家譜
[编辑]民國廿年（1931年），雙林黃氏廿一世孫黃墩箕重修《雙林黃氏支譜》，上海北福建路大東書局印刷所印刷。[1]