障川门

障川门，貤叫新北门，是上海清朝个一座城门，来勒乃朝上海市黄浦区人民路、丽水路路口一带。

历史

明朝嘉靖三十二年（1553年），上海县造城墙，设立小东门、大东门、小南门、大南门、西门、北门六座城门。清朝咸丰四年（1854年），法军配合清军攻打小刀会，来勒北城墙边炸出只豁口。小刀会畀镇压以后，箇只豁口畀堵脱，1860年，太平军攻占苏南、进攻上海，英、美、法三国同意组织洋枪队打太平军，駐扎勒洋泾浜。為咾方便洋枪队進出上海縣縣城，上海縣拿法军炸开个豁口造成新个城门，叫新北门，施工粗糙，一直有人想拿伊重新填脱。苏松道道员应宝时表示现在进出还是弗便当，外加潮州商人郭学玩愿意承担修门个钞票，故咾同治五年（1866年）夏天开工修门，1867年年初完工，江苏巡抚李鸿章题名障川门，取韩愈《进学解》中「障百川而东之，回狂澜于既倒」个意思。1912年上海縣城墻拆除時新北门也被拆除。

1912年（民国元年），上海拆城墙，跨龙门畀拆脱，护城河畀填脱，变成人民路，跑有轨电车，新北门变成地名搭电车站名哉。二十世纪初，原新北门所在地区开仔腌鱼、腊肉、豆粮、南货、水烟、香烛、中药咾啥个商店。1920年代以后，增设五金、颜料商店。雷允上（诵芬堂）中药店就来勒箇埭。後来，沿咾人民路北面，有得大华百货公司、佳美装潢五金商店、新兴日用材料商店。