陸洪恩

陸洪恩（1919年—1968年4月27号），作曲家、指挥家，天主教徒，文化大革命死难者。1943年从国立上海音乐专科学校毕业，1954年开始做上海交响乐团个指挥。

1965年畀医生诊断为精神分裂症。1966年上海交响乐团开会学习姚文元个文章《评“三家村”》，只有陸洪恩敢发表自家个弗同看法，畀当作“现行反革命”抓出来，后歇来又从“拘留”变成“逮捕”。1968年4月27号，陸洪恩同其他受难者柳友新、彭振邦、陈霖、尤咏仁、杨望义、张鹏宏，来勒上海文化革命广场畀“公判大会”判着死刑，送到刑场枪决。大会上“革命群众”弗断喊口号，名字也弗敢报出来个“本市公检法领导机关负责人”搭仔“革命群众代表”表示要坚决专政、坚决支持。

根据陸洪恩个狱友刘文忠回忆，陸洪恩对佗讲过：

“

将来你如果有机会离开中国，就帮我走访我一生向往的音乐之乡维也纳，在贝多芬的墓前帮我献上一束花，告诉大师，他的崇拜者是哼着《庄严弥撒》走上刑场的。

”

陸洪恩个夫人胡國美，来勒中共为陸洪恩平反之后，畀脚踏车撞倒过世。独养儿子陆于为，为仔爷个事体，上初中辰光就畀发配到新疆劳动，1979年哉回到上海。