陳其業
（从陳勤士转戳到箇里）
陳其業（1871年—1961年3月15号），字勤士，別號樂羣，吳越浙江歸安（介歇屬於浙江省湖州市）人。陳其業是辛亥革命元老陳其美拉大哥，也是中國國民黨高官陳立夫搭陳果夫弟兄兩個拉爺。早年經營錢莊，典當，後歇来做过中華民國制憲國民大會代表搭第一屆國民大會代表。
生平
[编辑]陳勤士1871年生。[1]渠是東林陳氏第廿六世孫，祖丄蹲起拉歸安縣東林山，傳到第十七世陳應恪，搬到湖州城裏向嘚。[2]陳其業拉爺陳延祐，拉本地做生意；伽娘吳太夫人，是射村吳文濬公拉二囡兒。[2]渠有兩個弟弟：陳其美（字英士）搭陳其采（字藹士）。[1][2][3]
陳其業拉光緒年進學，光緒十三年（1887年）補廩。[4][5][6][7][8]後末來渠敎湖州富商沈鏡軒拉兒子沈田莘讀書，沈田莘進學之後，兼做沈家帳房，做到總管。[4][5]後末來，渠貤到朱五樓勒荻港个來泰典當管財務（朱五樓拉囡兒後末來嫁畀陳其業拉大兒子陳果夫[9]）。[4][5][8]
抗戰勝利之後，陳其業先畀人選爲行憲國民大會代表，[10]貤畀人選爲第一屆國民大會代表。[3]
1948年，陳其業跟牢兒子到臺灣。[11]1961年3月15號上半日八點廿分，渠拉臺北市和平東路安東街屋裏向無得嘚，享壽九十一歲。[3]總統蔣介石曉得嘚之後，特派總統府祕書長張羣代表弔唁。[3]埋勒觀音山墳地，[3]後末來移葬湖州靈安公墓。[12]
家庭
[编辑]陳勤士養嘚四個兒子，三個囡兒（按照年紀大小排）：[3][11]
參考資料
[编辑]- ↑ 1.0 1.1 （简体中文）浙江档案局（2015-01-28）．陈氏家族三兄弟 其业美哉采兮 ．浙江档案． [链接坏脱]
- ↑ 2.0 2.1 2.2 （繁体中文）（1946）何仲簫 编：陳英士先生年譜 ，中國國民黨叢書．中國文化服務社．
- ↑ 3.0 3.1 3.2 3.3 3.4 3.5 （繁体中文）（1981）“陳代表其業傳略”，第一屆國民大會逝世代表傳略第三輯 ，233-234．（存档，垃2025-03-22）
- ↑ 4.0 4.1 4.2 （简体中文）邱寿铭（2015年11月）．“伪国大代表陈其业小史”，杨伟民 编：湖州民国史料类纂与研究 个人遗作-邱寿铭专辑 ．沈阳：沈阳出版社．
- ↑ 5.0 5.1 5.2 （简体中文）湖州市博物馆资料室（1986年05月）．湖州人物资料 第1集 ，13-14．
- ↑ （繁体中文）中華民國人事錄編纂委員會（1953年12月）．中華民國人事錄 ．中國科學公司，282．
- ↑ （繁体中文）中華民國工商協進會主辦工商徵信所（1955）．自由中國工商人物誌 ．臺北市：中華民國工商協進會，216．
- ↑ 8.0 8.1 （简体中文）沈文泉（2009年11月）．湖州名人志 ．杭州：杭州出版社．ISBN 978-7-80758-291-5．
- ↑ （简体中文）杨润林（1992年12月）．“陈果夫与朱五楼联姻轶事”，中国人民政治协商会议上海市长宁区委员会文史资料委员会 编：长宁文史资料 第8辑 ．
- ↑ （繁体中文）國民大會祕書處（1946年12月）．國民大會實錄 ．於2025-03-06参阅．
- ↑ 11.0 11.1 （简体中文）杨润林（1993年12月）．“姨父陈果夫、陈立夫兄弟家世”，中国人民政治协商会议上海市长宁区委员会文史资料委员会 编：长宁文史资料 第9辑 纪念毛泽东诞辰一百周年 ．
- ↑ 羊城晚报 (2014-03-22). ""国民党教父"陈果夫墓址：逝于台北 后魂归家乡(2)". 中新网. Archived from the original on 2025-03-16. Retrieved 2025-03-16.