纳吉·阿都拉萨

纳吉·阿都拉萨

拿督斯里纳吉·阿都拉萨（生勒1953年7月23号，马来西亚彭亨州瓜拉立卑），诺丁汉大学毕业，是逊尼派穆斯林，做过马来民族统一机构（巫统）个政客，曾是马来西亚顶后生个议员、内阁部长搭仔州务大臣，2004年1月7号开始当副总理，2009年4月3号成功上台作第六届马来西亚总理。2020年，伊因为一個馬來西亞發展有限公司醜聞（1MDB）畀判刑12年，2022年被关到监牢里向，成为头一位判有罪个马来西亚前总理。之后畀减刑到6年。

贪腐丑闻搭仔判刑

纳吉顶出名、也是顶让伊身败名裂个事体，就是一個馬來西亞發展有限公司醜聞（1MDB）。掰隻国家基金本来是用来发展经济个，结果畀纳吉搭伊个同伙（像刘特佐）当成自家个小金库，拿里向个钞票乱用八用，跑到国外去买豪宅、买游艇、甚至投资拍电影《华尔街之狼》，弄得全世界侪晓得哉。

调查下来，讲是有几十亿美元呒没了。美国司法部讲掰个是“全球顶离谱个贪腐案之一”。《华尔街日报》查出来，讲纳吉个人个银行账户里进账仔7亿美元（差弗多26亿令吉）。纳吉先是赖脱，后首来辩解说掰是“阿拉伯土豪送拨我个捐款”，呒没人相信。

为仔掰个事体，2020年个辰光，伊畀法院判仔12年个监禁，罪名是贪污、洗钞票、滥用权力咾啥。2022年，伊正式关进监牢，变成功马来西亚头一个吃牢饭个前总理。不过勒拉2024年，伊畀特赦局减刑到6年，引起交关人弗满意。