阿尔丹杜雅谋杀案

阿尔丹杜雅谋杀案（马来语：Pembunuhan Altantuya Shaariibuu，蒙古语：Шаарийбуугийн Алтантуяагийн аллага），是马来西亚一桩凶杀案。2006年，一個叫阿尔丹杜雅个蒙古女人勒拉吉隆坡外头个荒郊野地，直接畀人用C-4炸药炸唻粉粉碎，骨头也寻弗出几块。掰桩案子水深唻，侪认为搭当时个副总理纳吉·阿都拉萨、总理阿卜杜拉·巴达维间个政治斗争有关系，里向个弯弯绕绕到现在也呒没完全清爽过。

2009年4月9号，沙亚南高等法庭判处两名被告死刑，经过上诉，勒垃2013年8月23号无罪释放，必过2015年又推翻脱，判死刑。

背景

阿尔丹杜雅生勒1978年，会得讲蒙古語、俄羅斯語、漢語、英語、法語。伊帮纳吉牵线过一桩潜艇军购个大生意。按照法國《自由報》个讲法，2006年10月份，伊跑到马来西亚寻阿都拉萨·巴金达，要问伊讨50万美金个“介绍费”，弗畀钞票就弗肯走，结果人直接畀做脱，用炸药烊脱。

审案子

两個纳吉个贴身保镖畀捉进去，判仔死刑。但勒拉法庭浪，伊拉喊冤，讲自家是“顶缸个”，是畀拉“从来朆出庭个大人物”垫刀背个。法院传唤证人个辰光也常庄被驳回，发过声讲啥证据个人伊段辰光也失踪哉。2009年4月9号，沙亚南高等法庭判处两名被告死刑，经过上诉，勒垃2013年8月23号无罪释放，一個人连忙逃到澳大利亚去。2015年又推翻脱，判死刑。

2011年5月份，維基解密爆出美国驻马来西亚大使馆个密電記錄，里向认为掰桩案子个审讯有“老老强个政治压力”，证据畀揩脱，检察官畀换脱，媒体也弗敢多报道，统统是为仔保护参加2008年大选个纳吉。同时，时任总理阿卜杜拉·巴达维也想利用箇隻千载难逢好机会拿纳吉做脱个讲法也有得。2008年2月20号开庭前，被告个爷帮伊讲仔悄悄话，勒垃中午情绪失控，喊“伯拉去死！我是冤枉个！”正好，当天个报纸弗让讲箇被告喊仔啥西，也勒垃保护参加2008年大选个人，必过是另外隻党派个阿卜杜拉。

2018年，逃到澳大利亚个個看到纳吉勒垃2018年馬來西亞大選里向输到裤子脚管哉，新总理马哈蒂尔·穆罕默德讲要重新查，故咾提出回国做证人，必过要马来西亚全面赦免伊个罪。馬來西亞政府弗睬伊。2019年12月份，已经关勒监牢里个一個被告通过律师发布一份法定声明，直接指认讲是纳吉亲自下令叫伊拉去杀脱阿尔丹杜雅个，还正式向法院提出申请，要求翻案再审。到仔今朝，掰桩案子还是一桩无头案。