阿卜杜勒·加尼·帕泰尔司机遇袭案
阿卜杜勒·加尼·帕泰尔司机遇袭案是2017年8月29号出个一桩枪击案子。马来西亚当地辰光早浪向8点20分左右，前总检察长阿卜杜勒·加尼·帕泰尔个司机，勒雪兰莪州安邦太子园个自家门口头，拨两個陌生男客开枪打伤仔膝盖，还好人呒没啥大碍[1][2][3]。搿桩事体勒社交媒体高头引发交关阴谋论[4]。当时个全国总警长弗兹勒9月6号讲，枪击案搭一個馬來西亞發展有限公司醜聞（1MDB）弗搭界[5]。一直到同年11月29号，警察还朆捉着嫌疑犯[6]。
到仔2020年2月17号，全国刑事调查总监胡西尔（Huzir Mohamed）勒记者会浪宣布，已经捉牢仔搿桩案子两個嫌疑犯[7][8]。
背景
[编辑]勒枪击案发生前头两年——2015年7月份，当时还做总检察长个阿卜杜勒·加尼正勒领导隻多机构特工队，调查牵涉时任总理纳吉·阿都拉萨个一马公司丑闻（1MDB）。结果政府勒7月28号宣布，阿卜杜勒·加尼因为健康问题卸任哉，位子让畀联邦法院前法官穆罕默德·阿班迪·阿里[9]。《砂拉越报告》引过文件讲，勒伊卸任前，总检察署已经勒起草准备提控纳吉个控状哉[10]。2018年大选结束仔，马哈蒂尔·穆罕默德领导个希盟政府重新拿阿卜杜勒·加尼叫回来帮忙调查1MDB案[11]。
枪击事件发生仔么，社交媒体高头一歇歇就冒出交关阴谋论。必过，安邦再也警区主任韩查助理总监倒觉着枪匪个目标并弗是阿卜杜勒·加尼本人[12]。
捉牢嫌疑犯
[编辑]2020年2月17号，全国刑事调查总监胡西尔勒武吉阿曼开记者会个辰光讲，警察勒查另一桩案子个辰光，捉着12個私会党党员，里头有两家头是怀疑枪击阿卜杜勒·加尼司机个嫌疑犯[13][14]。
争议
[编辑]事体出来仔么，全国总警长弗兹一口否认搿桩案子搭一马公司丑闻（1MDB）个关系。伊讲，根据警察初步调查，搿桩案子相信是私人事务引起个，暂时呒没别个因素勒里头。後头么，人民公正党个通讯主任法米法兹勒雪兰莪州开记者会个辰光批评弗兹瞎讲讲，认为警察还朆调查结束，弗兹根本弗应该搿能早就下结论[15]。
参考
[编辑]- ↑ 2槍手埋伏庭院射大腿 阿都干尼司機被槍擊 (zh). 中國報 China Press (2017-08-29).
- ↑ 疑得罪人被警告 阿都干尼司機遭鎗擊 (zh). 光明日报 (2017-08-30).
- ↑ 住家前遇摩托骑士 前总检察长司机遭枪伤 (zh). 光华网 (2017-08-30).
- ↑ 前检长司机中枪，警方促公众停止揣测. Malaysiakini (2017-08-30).
- ↑ 阿都干尼司機遇襲案 警總長：與1MDB無關 (zh). 中國報 China Press (2017-09-06).
- ↑ 前总检长司机枪击案，警方未捕任何嫌犯. Malaysiakini (2017-11-29).
- ↑ 枪击前检长司机案：警方扫黑意外捕获二嫌犯. Malaysiakini (2020-02-17).
- ↑ "涉嫌枪伤前总检长司机 黑帮老大及11党羽落网" (in zh-hans). e南洋. 2020-02-17.
- ↑ Chong, David (2015-07-28). 特工队调查未完 总检察长换人 (zh). 马来西亚诗华日报新闻网.
- ↑ 干尼曾拟控状要告纳吉？总检察署推文划清界限. Malaysiakini (2015-07-30).
- ↑ 新特工队查一马案，前检长干尼复出. Malaysiakini (2018-05-21).
- ↑ 警：司机遭枪手狙击．枪击案与阿都干尼无关 (zh). 星洲网 Sin Chew Daily (2017-08-30).
- ↑ Police confident of solving shooting of Gani Patail’s driver with arrest of AYT 99 members (en). Borneo Post Online (2020-02-17).
- ↑ Asyraf, Faisal (2020-02-17). Cops nab duo over shooting of Gani Patail's driver. Malaysiakini.
- ↑ 公正党问总警长：怎能确定干尼司机案无关一马？. Malaysiakini (2017-09-07).