闵行站

闵行站个航拍

闵行站勒垃中国上海市闵行区马桥镇昆阳路1568号，是座货运站。因为2010年上海世博会，原先个南浦站勒垃2009年6月28号关脱，货运功能搭仔建制转移到闵行站，成为上海铁路局直属车站，下头管理沪昆铁路、新闵支线、金山铁路上海段车站。箇站新货场占地45.2万平方米，货场设计能力年货运量近期（2020年）580万吨，当中发送247万吨；远期（2030年）800万吨，当中发送360万吨。同年8月1号，箇站发出头一班五定班列，是上海铁路局头一隻开行跨局五定班列个货运车站。2010年，原车站搭北郊直属站建制合併进南翔直属站里向。2024年，车站开行中欧精品班列，上海车站海关勒垃闵行站设立监管作业场所。