门线技术

门线技术通过多隻角度个高速摄影机来看球啊是过仔门线进球啊是有效个

门线技术（英语：Goal-line technology）是一隻新兴个足球辅助技术，判断球啊是越过仔球门线来确定进球啊是有效个。国际足联原本是拒绝箇项技术个，必过2010年足球世界杯里向发生仔门线冤案，故咾开始重新考虑引入门线技术。2012年7月5号，国际足联全票通过勒垃正式比赛里向使用门线技术个决议。

分类

Cairos GLT系統

箇系统是阿迪达斯搭Cairos Technologies AG一道联合开发个，主要是装勒禁区底下搭仔门线後头个细缆线，通过里向个电流会产生磁场，通过磁场力来判断球勒垃啥個地方，啊是穿过球门线，确认进球个辰光再畀裁判戴个特制手表发送“进球”个信号。

雷達定位系統

雷达定位系统是拿高速摄影机摆勒球门架边，用每秒2000帧个速率来拍视频，再让裁判自家去看视频去判断球进仔没进。

鹰眼系统

鹰眼系统是马诺尔研究公司（Roke Manor Research Limited）个工程师们开发个系统，勒垃板球、网球、斯诺克运动里向侪会得用着伊。箇系统基于三角测量原理，用至少6台高速摄像机拍照片。根据箇系统个发明人保罗·霍金斯（英语：Paul Hawkins）个讲法，假使讲球完全畀人或者物事遮没脱，箇末系统会得失灵，至少要露出25%个球效果纔会得最好。