长白新村街道

长白新村街道是中国上海市杨浦区个一隻街道办事处，来勒杨浦区东部，望东是黄浦江，北面隔开虬江是长海路街道，西面是延吉新村街道，南面是定海路街道，面积3.05平方公里。街道办事处勒垃靖宇东路27号。

长白新村街道一开始是两万户老公房，乃朝个228街坊，後首来发展成隻工人新村长白新村。1980年，市政府决定继续扩大长白居住区范围，本来计划造个房子侪是6层楼个，同济大学建筑设计研究院建议增加高层小区么，外加江湾机场高度限制，造仔批12层楼到14层楼弗等个中高层房子。2002年，228街坊开始动迁，直到2016年纔完成全部征收，2023年4月底改造成商店对外开放。