长江农场

长江农场是中華人民共和國上海市崇明區歷史丄隻國營農場，总面积41.3平方公里，耕地面积33487亩，老底子是崇明人口顶多、地域顶大个国营农场，乃朝勒垃东平镇。

长江农场原先是百万沙。1959年冬天到1964年，百万沙围垦四埭，分别建立东平农场、静安区畜牧场、南市区畜牧场、上海市工业机关畜牧场。1963年底，3個畜牧场合并成百万沙农场。1965年5月份，东平农场个一、二大队搭仔三大队部分生产队一道合併进百万沙农场。1966年秋，百万沙农场改名东方红农场。1972年7月1号，改名长江农场。

2001年，长江农场政企分离，同年4月份成立上海市长江地区社区管理委员会。另外有上海农工商集团长江总公司。2004年9月17号，上海农工商集团东旺总公司、前进总公司、东风总公司、向明总公司、长江总公司共同组成光明食品集团上海长江总公司，是光明食品（集团）有限公司下头个企业。