长寿路（上海市）
长寿路是中国上海市普陀区南面条东西方向个主路，东起苏州河接天目西路，西到万航渡路（曹家渡），全长2805米。
历史
[编辑]长寿路老底子叫劳勃生路（Robison Road），1900年修个[1]。19世纪末修路前，箇户荡原本是农田。1899年，上海公共租界拓宽仔么，箇地方畀租界圈进去哉。1900年，上海公共租界工部局修仔箇路，胶州路望西伊段已经超出租界范围哉，是越界修路。工部局用19世纪英国驻上海、厦门、广州等地领事个名字叫伊劳勃生路。交关日资纺织企业勒垃附近个苏州河边丄造工厂，路边豪慅造出交关里弄，居民里向交关是附近工人，也故咾成仔多埭上海工人运动个发源地。1922年，日资内外棉公司勒垃劳勃生路、小沙渡路（乃朝西康路）路口正中心造仔座川村纪念塔，高头嵌隻大自鸣钟，故咾，大自鸣钟变成功劳勃生路小沙渡路路口附近地区个地名。1925年，极司非尔路到戈登路段铺仔沥青。
1943年，汪精卫政府收回上海公共租界，用四川省长寿县（乃朝重庆市长寿区）个名字叫伊长寿路[2]。乃朝是上海市区三横三纵主干道里向北横个一部分。