上海市同仁医院

上海市同仁医院，也叫上海交通大学医学院附属同仁医院、上海市同仁红十字医院，是勒垃上海市长宁区个一家三级综合性医院，医院有得仙霞路院区、哈密路院区、虹桥国际医学研究院搭仔武夷路院区（老底子长宁区妇幼保健院）.

历史

长宁区同仁医院

1866年11月份，美国圣公会牧师汤蔼礼（Elliot Heber Thomson）帮从美国回到清朝个牧师吴虹玉勒垃救主堂附近个文监师路百老汇路（虹口区塘沽路大名路）开办一隻叫同仁医局个诊所。1867年，诊所扩大规模，改名同仁医馆。1880年，文惠廉大儿子文恒理（Henry William Boone）来到上海，拿诊所搬到熙华德路文监师路（虹口区长治路塘沽路），扩建，改名同仁医院（St. Luke's Hospital），英文名从基督教圣人路加来个。文恒理还勒垃医院里向开办医疗助理训练班，是上海顶早个西医教育机构。1882年，文理恒又勒垃同仁医院开办护士训练班，是中国第一家培养医疗护理人员个机构。1896年，圣约翰书院设立医学部，文恒理担任医学部主任，同仁医校并进医学部，同仁医院成为圣约翰书院附属教学医院。1882年，同仁医院成功实施第一例眼科手术搭仔卵巢切除术。1886年，同仁医院成立清朝第一家医学博物馆。1909年，同仁医院引入救护车，是清朝第一辆救护车。

20世纪初，同仁医院从熙华德路搬到虬江路，1930年代，又搬到海格路（华山路）。1937年，淞滬会战爆发，医院又迁到愚园路、白利南路（长宁路）路口。1941年太平洋战争爆发以后，日军接管上海租界，同仁医院建筑畀东洋人佔领。医院一部分搬去爱文义路（北京西路）同广仁医院合并，另一部分搬到大西路、忆定盘路（延安西路、江苏路）改名同仁第二医院。1945年抗日战争结束，圣约翰大学拿校门东面梵皇渡路（万航渡路）一块土地划畀同仁医院。中国高等院校院系调整以后，圣约翰大学撤销，同仁医院成为独立医院。1955年，同仁医院畀政府卫生部门接管，改名长宁区同仁医院。“文化大革命”个辰光，医院改名东风医院。1977年，医院搬到愚园路738号，1979年恢复同仁医院个名字。

长宁区中心医院

1952年，华东军政委员会贸易部职工医院成立。1959年，医院交畀长宁区，改名长宁区中心医院。

1976年，长宁区中心医院做出中国第一台彩色电视胃镜。

1980年，新增上海市长宁区红十字医院冠名。

1999年，医院从遵义路111号搬到新泾镇仙霞路1111号，是二级甲等医院。

上海交通大学医学院附属同仁医院

2013年12月8号，长宁区中心医院帮长宁区同仁医院合併成为“上海市同仁医院”，挂牌“上海交通大学医学院附属同仁医院”，红十字冠名改名“上海市同仁红十字医院”。

2020年2月份，同仁医院发现上海首例2019冠狀病毒病确诊病例。

2020年4月16号，经上海市卫生健康委批准，同仁医院由二级甲等升级到三级乙等。

2021年1月5号，同仁医院试点数字人民币使用，成为上海第一家试点数字人民币个场许。

外部链接

• 官方网站