方厅水院
（从长三角原点转戳到箇里）
方厅水院，也叫水乡客厅·方厅水院、“一点”方厅水院，是来勒中华人民共和国上海市、江苏省、浙江省交界处个一隻建筑物，是长三角一体化示范区规划里向个“长三角原点”，是太浦河两岸个几座建筑搭跨河人行桥，整体成矩形，是江南水乡建筑风格个论坛、会展场地，2025年5月21号造好个。[1]工程特殊个位置引发行政手续丄个困难，经三地协调、国家发改委批准，工程个建设许可由上海市青浦区主管，苏州市吴江区搭仔嘉兴市嘉善县对应部门参与。2024年7月31号，涉及三地弗同坐标系搭高程系统对接个跨省人行桥工程实现全面合龙[2][3]。2025年5月21号完工，6月头丄投用，举办头一场活动“全球环境科学家大会”。[1]同年9月份，专门处理方厅水院个长三角一体化示范区（上海）长新会展有限公司成立，长新城市运营管理有限公司持股80%，东浩兰生持股20%。[4]
参考资料
[编辑]- ↑ 1.0 1.1 张天弛 (2025-05-28). "一刻钟穿行“沪苏浙皖”，长三角一体化在此刻得到具像化". 文汇报 (上观新闻).
- ↑ 任俊锰; 巩持平 (2024-07-31). "方厅水院跨域步行桥今日全面合龙，即将一刻钟就能走完沪苏浙？". 上观新闻.
- ↑ 王英; 周悦磊. "一刻钟走完沪苏浙 方厅水院跨域步行桥全面合龙". 苏州日报.[链接坏脱]
- ↑ 巩持平 (2025-09-05). "为运营上海、江苏、浙江省界上的方厅水院，这家专业运营公司成立". 解放日报.
外部链接
[编辑]- “一点”方厅水院-建设工程规划批前公示（吴江区，含详细图纸）
- 建设工程规划许可证（青浦区）