钱清街道

钱清街道
—  街道  —
省	浙江省
市	绍兴市
區	柯橋區

钱清街道（绍兴说话：Zhien Chin），本来是钱清镇，是吴越绍兴市柯桥区个一隻街道。

历史

民国手里

1912年，山阴、会稽并成绍兴县，境內各地歸紹興縣，錢清江北面歸蕭山縣龍泉鄉。1928年，绍兴县划成15隻区，推行村里制，百户为一村，弗到百户联合幾隻村成一隻聯合村。江墅村、漁後聯合村、樞里村，則南錢清、江南、選錢、龍山、九岩、梅湖、前梅介七隻聯合村歸八區。錢清鎮歸蕭山縣第七區。六月份，成立錢清自治會。

1930年5月份，紹興縣八、九兩隻區併成第八區，箇辰光蕭、紹兩縣撤村改鄉，境內設13隻鄉。1932年，調整鄉數，撤壞江南鄉、選錢鄉，分別併到南錢清鄉，撤壞樞里鄉、龍山鄉，合併成新个廣陵鄉。同一年，蕭山縣全縣改九區成七區，設30隻鎮，159隻鄉，北錢清是三十隻鎮裏向个一隻，歸第七區。

1934年，撤區縮鎮併鄉，鄉鎮推行保甲制，境內有76隻保，裏向歸蕭山管个錢清鎮，1934年到1939年，下底有24隻保，195隻甲。

1935年，紹興縣設25隻鎮，104隻鄉，境內有南錢清鄉、九曲鄉、前梅鄉、行義鄉則新安鄉个部分地方，歸安昌縣个部分地方，則蕭山縣管个錢清鎮、新甸鄉、普濟鄉等鄉鎮。同一年11月份復區，原來个七、八兩隻區合併成柯橋區，境內分別歸紹興縣个柯橋區、安昌區則蕭山縣衙前區。1939年，柯橋區劃分成柯橋、臨浦兩隻區，境內九岩个高田塍、繆家樓歸臨浦區夏履鎮。

1940年9月份，區劃弗變，鄉鎮撤併比較多，境內个九曲鄉則新安鄉（部分）歸臨浦區，錢清鄉歸柯橋區，蜀風鄉（部分）歸安昌區。1943年北錢清淪爲敵僞據點，設立僞區、鄉建制。

1946年8月份，紹興縣撤區併鄉鎮，境內設錢清鄉，還有九曲鄉、夏履鄉、新安鄉（部分），蕭山縣管个錢清鎮則紹興管个安昌鎮（部分）。同一年7月份，貤劃分指導區，派員督導，境內歸第七指導區。1947年，蕭山全縣鄉鎮合併，縣下底弗再設區，全縣劃成36隻鄉（鎮），錢清仍番是鎮，下底管14隻保，148隻甲。1948年，紹興縣7隻指導區減成5隻，錢清鄉歸第二指導區，九曲鄉、夏履鄉一淘歸新个臨浦區署。

1949年5月份，境內畀共產黨佔領。同一年10月份，蕭山縣錢清鎮則箇卯个鳳儀村、新甸村等劃進境內，還有夏履鄉个高田塍、繆甲溇，安昌鎮个白馬山、蜀風、遺風等村堂。

中华人民共和国

1950年3月份，設錢清區，區址來夯南錢清崇福寺裏向，下底有1隻鎮咾12隻鄉：錢清鎮、錢清鄉、清風鄉、蜀風鄉、行義鄉、新甸鄉、前梅鄉、九岩鄉、中村鄉、延臨鄉、芝湖鄉、金山鄉、新安鄉（裏向个錢清鎮、錢清鄉、清風鄉、蜀風鄉、行義鄉、新甸鄉、前梅鄉則九岩鄉是箇卯境內个鄉鎮）。

2013年11月18号，绍兴县撤坏设立柯桥区，钱清镇也相应归柯桥区管。

2019年钱清镇撤坏，设立钱清街道。钱清街道东到华舍街道、安昌街道，南到湖塘街道、夏履镇，西到杨汛桥街道，北到萧山区衙前镇，街道办事处来夯镇前路188号。

行政区划

钱东社区、东江社区、方家桥社区、前梅村、顾家荡村、钱清村、南钱清村、江南村、江墅村、九岩村、新甸村、劳动村、蜀风村、华星村、白马山村、凤仪村、遗风村、岭湖村、梅东村、清风村、枢里村、联兴村则三西村。